آیات محبوب کتاب مقدس از आमोस 2

به اشتراک گذاشتن

परमेशर फेर बोलोआ, “इस्राएलो रे लोके बार-बार पाप करी राखेया। इजी री खातर मां तिना रा न्याय करना। सेयो तिना लोका खे चाँदिए रे सिक्केया खे गुलाम बनाणे खे बेचो ए जो पुरिया तरआ ते निर्दोष ए। सेयो जरूरतमंद लोका खे एक जोड़ी जोड़ेया रे बदले बेची देओए।

परमेशर फेर बोलोआ, “यहूदा रे लोके बार-बार पाप करी राखेया। इजी री खातर मां तिना रा न्याय करना। तिने मेरिया बिदिया खे मानणे ते ना करी राखी। तिने मेरी बिदिया नि मानिया ए। दूजे देवतेया सेयो पटकाईते दे ए। बऊत पईले तिना रे लोक तिना देवतेया री पूजा करो थे।

सेयो जमीना री तूड़ा पाँदे गरीबो रा सिर रगड़ोए; सेयो सीदे-सादे लोका खे तिना रिया बाटा ते फेरी देओए। बाओ ओर माठा, दोनो एकी ई छोट्टिया साथे गल़त काम करोए। ईंयाँ तिने मेरे पवित्र नाओं खे अपवित्र करिता दा ए।