آیات محبوب کتاب مقدس از BiRomaŋ beŋ 10

به اشتراک گذاشتن

Mɛnɛ beŋ gbonkiyiyɔkɔy ka thahothi thakendeŋ thaŋ ba dɔma, na “Yisɔs na Mariki woŋ,” e beŋ niya lanɛya ka thathukuma thakendeŋ thaŋ ba dɔma na Masaala ŋayaŋ niŋ ka tuka haŋ, beŋ kɔŋ niya kisi.

Ba miŋ, miŋ ni kulanɛya ka thathukuma thakɛntuŋ thaŋ e miŋ kuto nɔŋ biya bithumbɛ iŋ Masaala; miŋ gbonkoy ka thahothi thakɛntuŋ thaŋ e miŋ niyo kisi.

Huna lanɛya bɛ kɔŋ see ŋaye ka yuyɛ huseri haŋ, awa yuyɛ haŋ nɛnɛ hu kɔŋ see saathɛ ba ka niya Kraist na kukɛwandi.

Nɔŋ na tepe magbali maŋ na, na “Wɔ yo wɔ wo niŋ ni lanɛya, wundɛ sa thɔŋ kuyaahu.” Wuŋ, wuŋ thiyite wɔ yo wɔ, baa mahakande ka mateete ma ka biYusu beŋ iŋ biya bi ka siyani bahɛna baŋ beŋ. Masaala na Mariki wo ka biya fooma, awa ndɛ kɔŋ thiyiyɛ thaduba fooma bi niŋ thɔnthɔŋɔŋ beŋ. Nɔŋ na tepe nthɔŋ magbali maŋ na, na “Wɔ yo wɔ wo niŋ thɔnthɔŋɔŋ ba kumase, ndɛ kɔŋ niya kisi.”

Nama huseri haŋ niyo kukɛwandi mɛnɛ baseriŋ tha ŋinda? Nɔŋ na tepe magbali ma ka Masaala maŋ na, na “Saa hu ka baseriŋ bi sisi Huseri Huyɔhɔy haŋ beŋ ayɔhɔ wumandiŋ.”

Kɛrɛ, nama biYusu beŋ niŋ thonthiŋine mɛnɛ bindɛ niyeta hɛ niŋ lanɛya? Nama bindɛ niye niŋ lanɛya mɛnɛ bindɛ yuyeta hɛ huseri haŋ ba wundɛ? Nama bindɛ yuye, mɛnɛ bindɛ niyota hɛ huŋ kukɛwandi?

Ba Kraist see thankaŋ Siraŋ ba dunkuno nde ka yɔnkɔ hu ka Musa haŋ baŋ, haliko wɔ yo wɔ wo niŋ ni lanɛya ndɛ be kuta iŋ Masaala nɔŋ wɔ thumbɛ.