آیات محبوب کتاب مقدس از Kîam 27

به اشتراک گذاشتن

Mûrungu arotûma îmee rîgûûjagîra imera kuuma îgûrû, na agakwejaga mûthetu jûmûnoru, jûrî na irio bibingî na ndibei. Antû barogûtumîkagîra; nayo mîgongo îgakwathîkagîra. Ûrwaa mwathi wa ndûgû ciaaku; ataana ba nyakwe barokwathîkagîra. Barîa bagaakûrumaga barogwatagwa nî kîrumi; barîa bagaakûtharimaga baroonaga kîtharimo.”

Esaû arauga, “Nîkîo gîtûmi eetîrwe Jakubu. Rîrî nîrîo rîa jaîrî gûmpayia. Nî aajûkîrie ûrikithathi bwaakwa, na nî ûkwona nandî aakûjûkia kîtharimo gîaakwa.” Arooria îthe atîrî, “Gûtî kîtharimo ûrantigarîria?”

Rîu îthe Isaaka araarîria Esaû aramwîra, “Ûgaatûûraga kûraaja na mûthetu jûrîa mûnoru na kûrîa îme rîgûûjaga kuuma îgûrû. Rûchiû rwaaku nîru rûgaagûtûûragia, naagwe ûgaatumîkagîra mûtaana wa nyakwe. Îndî rîrîa ûkaaregana na waatho bwaawe, nîrîo ûkoomba kwirita ûkomboone bwaawe.”

Esaû arooria îthe atîrî, “Ga-kîtharimo gîaaku kîrî kîmwe akî baaba? Ntharima baaba; itû ntharima kinya ni!” Esaû ararîra na kajû gakanene.