آیات محبوب کتاب مقدس از II Va le Korinto 1

به اشتراک گذاشتن

Akukhensiwe Xikwembu Tatana wa Hosi ya hina Yesu Kriste, Tatana wa timpsalu, Xikwembu lexi kuchavelela hinkwaku kuhumaka ka xona; xahichavelela maxangwini hinkwawu ya hina; hi kolaho, na hina hikota kuchavelela lavanga maxangwini ya tinxakaxaka, hivachavelela hi kuchavelela loku na hina hinyikiweke kona hi Xikwembu.

Hikuva kukotisa lesvi mahlomulu ya Kriste mahitaleleke, nakona ha Kriste hikuma kuchaveleliwa hi ntalu.

Hakunene, ahititwa na hili lavayavanyiseliweke rifu; lesvi sviyendlile lesvaku hingahatitshembi, kambe hiveka kutshemba ka hina ka Xikwembu lexipfuxaka vafi.

Kambe i Xikwembu lexinyikaka hina na n'wina kutshemba lokutiyeke ka Kriste; hi xona lexihirhwexeke ntirho lowu. Xihifungile, xivekile Moya wa xona timbilwini ta hina, wuva xitiyiso xa lesvi svahataka.

Hikolaho, loko hixaniseka, sviyendlela lesvaku n'wina miva ni kuchaveleliwa ni kuponisiwa; loko hichaveleliwa, sviyendlela lesvaku na n'wina miva ni kuchaveleliwa, kutani minyikiwa matimba yotiyisela mahlomulweni lawa mafanaka ni mahlomulu lawa mahixanisaka.