آیات محبوب کتاب مقدس از I Timotewu 2

به اشتراک گذاشتن

Hikuva ku ni Xikwembu xin'we, nasvona ku ni Muyimeli mun'we lweyi ahlanganisaka Xikwembu ni vanhu, yena Kriste Yesu munhu wa ntiyiso, lweyi atinyiketeke kuva muponisi wa vanhu hinkwavu; hi bzona vumboni bza makungu ya Xikwembu, lebzingahumelela hi nkama lowufanekelaka.

Loko svilitano, xosungula, ninavela hi matimba lesvaku kukombela, ni kukhongela, ni kukhongelela, ni kukhensa, sviyendleliwa vanhu hinkwavu, sviyendleliwa ni tihosi ni hinkwavu lavanga svitshan'wini sva le henhla, lesvaku hikota kuhanya vutomi bza kurhula ni kutsaka, lebzinga bza vukhongeli ni lebzi bzixiximekaka hi matlhelo hinkwawu.

Hikolaho, ninavela lesvaku, tindhawini hinkwatu, vavanuna vakhongela na vatlakusile mavoko lawa mabaseke, kuli hava kukariha kumbe madzolonga. Hi ndlela yoleyo na vona vavasati avayambale lesvingakhomisiki tingana, vatisasekisa hi mpimo, kumbe kutibombisa hi misisi leyihorhiweke, kumbe hi vuhlalu bza risima, kumbe hi sviyambalu svodura ngopfu; kambe avatibombise hi mintirho leyinene, hilaha svifanelaka hakona vavasati lavativulaka va vukhongeli.