آیات محبوب کتاب مقدس از I Petrosi 1

به اشتراک گذاشتن

Akukhensiwe Xikwembu, Tatana wa Hosi ya hina Yesu Kriste! Hi timpsalu ta yena letikulu, ahivelekile ra vumbirhi, lesvaku hiva ni kulangutela loku kuhanyaka, hikolaho ka kupfuka ka Yesu Kriste xikarhi ka vafi, ni lesvaku hinyikiwa ndzhaka leyingaboliki, leyinganyamisiwangiki, leyingavuniki. Mivekeliwile yona matilweni

Mhaka leyi yamitsakisa, hambi loko svosvi mahafanela kutwa kuvava nkarhinyana, hikolaho ka miringo ya tinxakaxaka. Miringo leyi yiyendla lesvaku kupfumela ka n'wina, loku kutlulaka golidi hi risima, kuvoneka na kutiyile. Golidi, hambilesvi riringetiwaka hi ndzilo, rawonheka; kambe kupfumela ka n'wina, lokutiyeke, kutadzunisiwa, kutwalisiwa, siku leri Yesu Kriste angatahumelela.

Kambe, lesvi lweyi angamivitana akwetsimeke, kwetsimani na n'wina mahanyeleni hinkwawu ya n'wina. Hikuva kutsaliwile lesvi: “Kwetsimani, hikuva mina nikwetsimile.”

Kufana ni vana lavanga ni kuyingisa, mingalandzeni kunavela ka n'wina lokobiha loku amili nakona na mingasitiva nchumu.

Hikolaho, pfukani miyehleketweni! Tikhomeni! Vekani kutshemba ka n'wina hinkwaku henhla ka timpsalu leti mingatakombiwa tona, siku leri Yesu Kriste angatahumelela.

Hikuva, “Nyama hinkwayu yifana ni bzanyi, ni kusaseka ka yona kufana ni xiluva xa nhova. Bzanyi bzavuna, ni xiluva xiwela hansi, kambe Rito ra Hosi ritshama hilaha kungaheliki.”