آیات محبوب کتاب مقدس از 1 VAKORINZO 1

به اشتراک گذاشتن

Navutswa Nyasaye yarovola kalalani shindu shia vandu vu mu shivala valolanga nashio shiu vusilo, khuha yeshio shili nu vusitsa tsisoni. Nyasaye yarovola khandi shindu shia vandu vu mu shivala valolanga ni shiteteshele, khuha shili ni tsingulu tsisoni.

Likhuva khulondokhana khu likhutsa lia Kristo khu musalaba, lilolekhanga khuli nu vusilo khu yavo vativanga; navutswa khu lweru khutsi va khuhonyinywangwa, nalio tsingulu tsia Nyasaye.

Shindu shialolekhanga khuli nu vusilo vwa Nyasaye, shiali nu vusitsa vunyishi khuvira vusitsa vu mundu; khandi shindu shialolekhanga khuli nu vuteteshele vwa Nyasaye, shiali ni tsingulu tsinyishi khuvira tsingulu tsiu mundu.

Nyasaye neye musuuvilwa, lwa yamulaanga khuva mu vulala nu Mwana wewe Mwami weru Yesu Kristo.

Vasuuvili vashianje, mureevanga numuyaanza khuvirila mu lira liu Mwami weru Yesu Kristo, muhulishitsane vene khuvene, khu liavukhana livuli khunyolekhana hakari henyu. Muhambane, khandi muve ninganakani indala nende lienya lilala.

Khulwa yako, ni hena wa mundu wu vusitsa ali? Ni hena wa mwechitsi wa malako ali? Ni hena wa mundu wayaanza khuhangalitsana mulilomoloma mumatukhu kanu ali? Toto, Nyasaye shiyalomba vusitsa vwa vandu vu mu shivala shinu khukwa vusilo?