آیات محبوب کتاب مقدس از Romefo 5

به اشتراک گذاشتن

Na Nyankopɔn kyerɛɛ no dɔ wɔ hɛn do dɛ yɛda ho yɛ ndzebɔnyɛfo no, Kraest wui maa hɛn.

na enyidado nnhyɛ enyito, osiandɛ wɔnam Sunsum Krɔnkrɔn a wɔdze ama hɛn no do ehue Nyankopɔn dɔ egu hɛn akoma mu.

Na nnyɛ yi nko bi, na mbom yɛhyehyɛ hɛnho wɔ ahohia mu so: osiandɛ yenyim dɛ ahohia dze abotar ba; na abotar dze osuahu ba; na osuahu dze enyidado ba

Na afei wɔnam gyedzi do ebu hɛn bem ntsi, yɛnam hɛn Ewuradze Jesus Kraest do enya Nyankopɔn afamu asomdwee; ɔnam no do so na yɛdze gyedzi enya adom yi a yegyina mu yi mu kwan; na yɛhyehyɛ hɛnho wɔ Nyankopɔn enyimnyam ho enyidado mu.

Na yɛda ho yɛ mberɛw no, ber a ɔsɛ mu na Kraest wui maa ebusuyɛfo.

Dɛm ntsi afei mbom a woedua no bɔgyaa do ebu hɛn bem yi, wɔnam no do bɛgye hɛn nkwa efi ebufuw no mu.

Na dɛ mbrɛ dodowara nam nyimpa kor n’asoɔdzen do bɛyɛɛ ndzebɔnyɛfo no, mbrɛ dodowara nam ɔbaakofo ne setsie do bɛyɛ atseneneefo nye no.

na nnyɛ yi nko bi, na mbom yɛhyehyɛ hɛnho wɔ Nyankopɔn mu, osian hɛn Ewuradze Jesus Kraest a sesei yɛnam no do enya nkabɔmu ntsi.