آیات محبوب کتاب مقدس از رُومِیوں 12

به اشتراک گذاشتن

تے ایس جہان دی شکل ورگے نا بنو۔ سگوں نَوِیں عقل ہون نال اپنی صُورت بدل دے جاؤ۔ تاں جو خُدا دی نیک تے چنگی لگّن والی تے کامِل مرضی تجربے نال معلُوم کر دے رہو۔

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

آس وِچ خُوش رہو۔ تنگی وِچ صبر کرو۔ دُعا منگن وِچ لگّے رہو۔

بُریائی کولوں ہار نا جا سگوں بھلیائی نال بُریائی نُوں ہرا دے۔

بھراواں وَرگی مُحبّت نال آپو وِچ بڑا پیار رکھو۔ عِزّت ولّوں اِک دُوجے نُوں چَنگا سمجھو۔

مُحبّت بِناں مکّارِیوں ہوئے۔ بُریائی توں نفرت کرو۔ بھلیائی نال چمبڑے رہو۔

جِتّھوں تِیکر ہو سکے۔ ساریاں لوکاں نال صُلح رکھو۔

پیاریو! آپے اپنا بدلہ نا لوؤ۔ سگوں غُصّے نُوں جان دیو۔ کیوں جو لِکھیا ہویا اے پئی خُداوند آکھدا اے۔ بدلہ لینا میرا کمّ اے۔ مَیں ای بدلہ لَواں گا۔

کمّ کرن وِچ سُستی نا کرو۔ رُوح وِچ سرگرم ہوؤو۔ خُداوند دی سیوا کر دے رہو۔

کیوں جو اوس فضل نال جیہڑا مَینُوں بخشیا گیا اے۔ مَیں تُہاڈے وِچوں ہر اِک نُوں آکھنا آں۔ پئی جیہڑا اپنی بابت تُہانوں خیال کرنا چاہیدا اے۔ اوہدے توں وَدّھ نا کرو۔ پر سُرت نال اوسے طرح خیال کرو۔ جیویں خُدا نے ہر اِک نُوں اِیمان دا حِصّہ ونڈ دِتّا۔

بدی دے بدلے کِسے نال بدی نا کرو۔ جیہڑیاں گلّاں سبھناں نُوں چَنگیاں لگدِیاں نیں اوہناں نُوں سوچو۔

آپو وِچ اِکّو جِہیا خیال رکھو۔ اُچّے اُچّے خیال نا بنھنو۔ سگوں نِیویاں ولّ دھیان کرو۔ اپنے ولّوں سِیانے نا بن بَیٹھو۔

پر جے تیرا وَیری بُھکھا ہوئے اوہنوں کھوال۔ جے تریہایا ہوئے اوہنوں پیال کیوں جو جے ایہہ کریں تے تُوں اوہدے سِر اُتّے اَنگیاراں دا ڈھیر لا دیں گا۔

اپنے ستان والیاں نُوں دُعا دیو۔ دُعا دیو۔ تے بددُعا نا دیو۔ خُوشی کرن والیاں نال خُوشی کرو۔ رون والیاں نال روؤ۔

پاک لوکاں دِیاں لوڑاں پُوریاں کرو۔ مُسافراں دی سیوا وِچ لگے رہو۔

کیوں جو جیویں اِک بدن وِچ ساڈے بتھیرے انگ نیں تے سارے انگاں دا اِکّو کمّ نئیں۔ اوسے طرح اسی جیہڑے بتھیرے آں پر مسِیح وِچ اِک بدن آں۔ تے اِک اِک کر کے اِک دُوجے دے انگ آں۔