آیات محبوب کتاب مقدس از ۲-کُرِنتھِیوں 1

به اشتراک گذاشتن

ساڈے خُداوند یِسُوع مسِیح دے خُدا تے باپ دی وڈیائی ہوئے جیہڑا رحمتاں دا باپ تے ہر طرح دی تسلّی دا خُدا اے۔ اوہ ساڈیاں سارِیاں مُصِیبتاں وِچ سانُوں تسلّی دیندا اے۔ تاں جو اسی اوس تسلّی دے سبّب جیہڑی خُدا سانُوں دیندا اے۔ اوہناں نُوں وی تسلّی دے سکِئے۔ جیہڑے کِسے نا کِسے طرح دی مُصِیبت وِچ پئے ہوئے نیں۔

کیوں جو جیویں مسِیح دے دُکھ سانُوں وَدّھ پُہنچدے نیں اوسے طرح ساڈی تسلّی وی مسِیح دی راہِیں وَدّھ ہوندی اے۔

سگوں اپنے اُتّے مَوت دا حُکم یقِین کر لیا سی۔ تاں جو اپنا بھروسا نا رکھیے سگوں خُدا دا جیہڑا مُردیاں نُوں جوالدا اے۔

تے جیہڑا سانُوں تُہاڈے نال مسِیح وِچ قیم کر دا اے۔ تے جِس سانُوں مسَح کِیتا اوہ خُدا اے۔ جِس ساڈے اُتّے مُہر وی لائی۔ تے رُوح دی سائی ساڈے دِلاں وِچ دِتّی۔

جے ساڈے اُتّے مُصِیبت آؤندی اے تے تُہاڈی تسلّی تے نجات لئی۔ تے جے سانُوں تسلّی مِلدی اے۔ تے تُہاڈی تسلّی دے لئی جِہدے اثر نال تُسی صبر کر کے اوہناں دُکھاں نُوں سہہ لَیندے ہو۔ جیہڑے اسی وی سہنے آں۔