آیات محبوب کتاب مقدس از Roma 9

به اشتراک گذاشتن

Mewaliꞌ, ane Pueꞌ Ala mampoinao mampetudeꞌá kamaꞌahiꞌNa i hadua tauna, tiꞌara peundeꞌána tauna to mopakanótó iti, tiꞌara woꞌo rapakanótó ánti bábehiána tauna, agáiáná Pueꞌ Ala haduduáNa to mopakanótó.

Hangaa-ngaa nibuhinao laluitana Pueꞌ Ala i nabiꞌ Musa hangkoia to manguliꞌ: “Kódóꞌ miꞌi to mopakanótó i heáná tauna to ina Kupatongawaꞌá kamaꞌahiꞌKuꞌ, hai i heáná tauna to ina Kupatongawaꞌá kabulána laluNgkuꞌ.”

Halalu-halalu, ineeꞌ niuliꞌ noꞌonoꞌ! Tiꞌara hintotoꞌ ane kitaꞌ peá tauna molaluitakeꞌ noꞌonoꞌ i Pueꞌ Ala. Peisá paꞌi kori manguliꞌ i topeteru, “Moapa riꞌi haneꞌiaꞌ nupanodeꞌe?”

Mewaliꞌ, taisá ntepuꞌu: Pueꞌ Ala mopatongawaꞌ ahiꞌNa i heáná tauna to Napileꞌi, hai Ia woꞌo peisá mopamatuꞌa laluna tauna ntániꞌna. Peisá Nabábehi noꞌonoꞌ mouláꞌ peundeꞌáNa haduduáNa.

Mole topoteru kori iti peisá mobábehi kori mouláꞌ peundeꞌána haduduána. Hangko i hangkumuꞌ tampoꞌ pólóꞌ, peisá nabábehi rompákáꞌ kori; to maroꞌa ntepuꞌu, hai to rapakeꞌ peá alo-alona.