آیات محبوب کتاب مقدس از Iohane 17

به اشتراک گذاشتن

Kupembiáꞌ bona Nupamagasaꞌheꞌ, hai Nupopewaliꞌheꞌ taunáMu moliu paturoꞌMu to toꞌu. NgkóráꞌMu, iti miꞌi to toꞌu.

To Kutunggái hai laluita ‘katueꞌ to maroꞌa to tiꞌara mokahópóꞌá’ ia miꞌi: raisá kaꞌIona peá Pueꞌ Ala to toꞌu, hai raisá woꞌo kaKódóꞌna Iesu Kerisitu to Nuhuoꞌ mai.

Umaꞌ, tiꞌara peá topeguruNgkuꞌ iti to Kupekakaeá. Kupekakaeáheꞌ woꞌo tauna to ina mepoinálái i Kódóꞌ ánti pobámbáriraꞌ ngkóráꞌMu topeguruNgkuꞌ. Kupembiáꞌ bona hira upu-upu hampepekiri, hibali hai Io mohintuwuꞌ hai Kódóꞌ, hai Kódóꞌ mohintuwuꞌ hai Io. Kupembiáꞌ bona hira woꞌo mohintuwuꞌ hai Kitaꞌ bona upu-upu tauna i duniáꞌ ina mampoinálái kaꞌIona to mohuoꞌAꞌ mai.

Tiꞌara Kupembiáꞌ bona Nualaheꞌ topeguruNgkuꞌ hangko i duniáꞌ deꞌe, ngkáliꞌna riꞌi Kupembiáꞌ bona Nukámpáiheꞌ hangko i Datu Tokadake.

Kupatongawaꞌámoheꞌ peawaꞌ to NuweꞌiAꞌ, bona ina raisá hampepekiri, nodo woꞌo Kitaꞌ hampepekiriKeꞌ. Kódóꞌ mohintuwuꞌ hai hira, hai Io woꞌo mohintuwuꞌ hai Kódóꞌ. Kuhárungá hira ina mewaliꞌ mpuꞌuheꞌ hampepekiri. Ane noꞌonoꞌi, upu-upu tauna ina moisá kaNuhuoꞌKuꞌ mai hai kaNupokaꞌahiꞌraꞌ tauna to mepoinálái i Kódóꞌ. AhiꞌMu i hira hibali hai ahiꞌMu i Kódóꞌ.