آیات محبوب کتاب مقدس از Lwaḥi 22

به اشتراک گذاشتن

Nec ḏ lʼalif nec ḏ lyaʼ, nec ḏ amezwaru ḏ aneggaru. Nec kuȓci zzayi ig ibḏa, kuȓci zzayi iy ɣa ikemmeȓ.

Inna Ƹisa: "Nec aqa usiɣ-d war tƹeṭṭaȓeɣ ca! Aḏ d awiɣ texȓiseṯ, aḏ jaziɣ kuȓ ijjen ƹlaḥsab ȓexḏayem nnes.

Arruḥ ḏ ṯsȓiṯ qqaren: "Araḥ-d!" Wenni itsȓan aḏ yini: "Araḥ-d!" Wenni ifuḏen aḏ d yas, wenni irezzun aman n ṯuḏarṯ aḏ isew baṭeȓ!

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.

"Nec aqa usiɣ-d war tƹeṭṭaȓeɣ ca! Ssaƹḏ n yinni iteggen array i wawaȓen n lwaḥi iǧan ḏi Lkitab-a."

Zi ssenni aȓ ṯsawent war ḏinni tiȓi bu ǧiȓeṯ, war teḥḏijin ca ṯfawṯ n ȓefnar niɣ ḏ ṯfawṯ n ṯfuct ȓaḥeqqac Siḏi Arebbi netta axasen igg ṯfawṯ nnes. Aḏ ḥekmen i ȓebda n ȓebdaṯ.

Iqqar Ƹisa iƹni wenni ixebbaren x ṯmesȓayin-a: "Wah, nec aqa usiɣ-d war tƹeṭṭaȓeɣ ca!" Amin, araḥ-d a Siḏiṯneɣ Ƹisa. Aḏ yiȓi arḍa n Siḏiṯneɣ Ƹisa ak kuȓ ijjen. Amin.

Cehhḏeɣ nec x marra yinni itsȓan i wawaȓen-a n lwaḥi ḏi Lkitab-a: Wenni xasen ɣa yarnin, ataf Arebbi as yarni lmuṣibaṯ iy d yusin ḏi Lkitab-a. Wenni ɣa ikksen zeg wawaȓen-a n lwaḥi ḏi Lkitab-a, ataf Arebbi as ikkes ȓḥaqq nnes zi ṯmesȓayin ig yurin ḏi Lkitab-a, iƹni ȓḥaqq nnes n ṯcejjarṯ n ṯuḏarṯ ḏ ȓḥaqq nnes n ṯendint iqeddsen.