آیات محبوب کتاب مقدس از Lwaḥi 14

به اشتراک گذاشتن

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."

Ḏi lḥala nni itxeṣṣa-yasen i ȓmuminin ṣṣaliḥin aḏ ṣbaren aḏ ggen array s ȓuṣiyaṯ n Arebbi aḏ amnen zi Ƹisa.

Ṯeqqar s jjheḏ: "Ggwḏem Arebbi semɣarem-ṯ, aqa ṯuweḍ-d ṯsaƹƹat nnes aḏ igg lḥisab ḏ lƹiqab. Sejjḏeṯ i wenni iy d ixeȓqen ajenna ḏ ṯmurṯ ḏ ȓebḥar ḏ ȓaƹnaṣer."

Ṯekkar ṯeḏfar-iṯent ijjen n lmalaʼika nneɣni wis ṯȓaṯa ṯeqqar s jjheḏ: "Wenni ɣa isejjḏen i ȓwaḥc ḏ lʼaṣnam nnes, iqbeȓ ƹaweḏ ṭṭabaƹ x ṯenyarṯ nnes niɣ x ufus nnes, ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar. Ddexxan n ȓaƹḏab nsen itgaƹƹaḏ i ȓebda n ȓebdaṯ. Yinni isejjḏen i ȓwaḥc ḏ lʼaṣnam nnes qebȓen ƹaweḏ ṭṭabaƹ n yisem nnes ataf war ɣarsen itiȓi bu arraḥeṯ s ǧiȓeṯ niɣ ḏ nhar."

Wami xzareɣ, twaȓiɣ Izmar ibedd x uḏrar n Lquds akiḏes miyya u arbeƹa u arbeƹin aȓaf. Yura x ṯenyarṯ nsen isem n Yizmar ḏ yisem n Babas.

Ẓriɣ ijjen n lmalaʼika nneɣni ṯeṭṭaw ḏi ȓwesṭ n ujenna. Ɣares Lʼinjil war ifennin aḏ tbeccar zzayes imezḏaɣ n ṯmurṯ zi mkuȓ ȓgens ḏ ȓqum ḏ lluɣa ḏ ccaƹb.

Ṯekkar ṯeḏfar-it ijjen n lmalaʼika nneɣni wis ṯnayen ṯeqqar: "Qa ṯewḍa qa ṯewḍa ṯendint n Babil ṯameqqrant ṯenni ig isesswen marra ȓegnus s waman nnes n uḍiȓ, iƹni lfasad nnes ameqqran."