آیات محبوب کتاب مقدس از Lwaḥi 12

به اشتراک گذاشتن

Ɣeȓben-ṯ ayṯmaṯneɣ s iḏammen n Yizmar ḏ chaḏeṯ nsen. Ṯuḏarṯ nsen war xasen ṯƹizz ca, wejḏen aḏ mmṯen.

Sȓiɣ i yijjen n ṯmijja ḏeg ujenna ṯeqqar s jjheḏ: "Ȓexxu Arebbi nneɣ isenjam, imeḍhar-d jjheḏ ḏ ȓmulk nnes, ḏ ssulṭa n Lmasiḥ nnes. Ȓaḥeqqac wenni iceṯcan zeg ayṯmaṯneɣ imenḍar-d ɣar ṯmurṯ, ḏ netta ig iceṯcan zzaysen ǧiȓeṯ ḏ nhar ɣar Arebbi nneɣ.

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

X manaya, fareḥ ay Ajenna, ḏ yinni ḏayes izeddɣen! Walakin ya tamara x imezḏaɣ n ȓbarr ḏ ȓebḥar! Ibȓis ihwa-d ɣarwem iɣḍeb aṭṭas, minzi issen ṯeqqim-as ḏrus n ȓweqṯ."

Iwqeƹ ȓḥarb ḏeg ujenna. Mikaʼil ḏ lmalaʼikaṯ nnes ḥarben bu-sebƹa izeǧifen. Bu-sebƹa-ya izeǧifen ḏ ccayaṭin nnes ḥarben ƹaweḏ uȓa ḏ niṯni.

Iɣḍeb bu-sebƹa izeǧifen x ṯemɣarṯ nni iruḥ aḏ iḥareb s min iqqimen zi ddurriṯ nnes, iƹni yinni iteggen array s ȓuṣiyaṯ n Arebbi teṭṭfen x minxef icheḏ Ƹisa.

Ṯmeḍhar-d ijjen n lƹalama ḏeg ujenna ḏ ṯameqqrant, iƹni ṯamɣarṯ ṯenneḍ-as-d ṯfuct, swadday iḍaren nnes ṯaziri, x uzeǧif nnes ijjen n ttaj ḏayes ṯenƹac n yiṯran. Aqat s uƹeddis ṯesɣuyiw s ȓeḥriq n ṯarwa, tƹeddab u nettaṯ tarew.

Ṯurew-d aḥenjir ḏ awṯem u ḏ netta iy ɣa yarewsen marra ȓegnus s uƹekkaz n ȓeḥḏiḏ. Ssenni itwarfaƹ ɣar Arebbi ɣar lƹarc nnes. Ṯamɣarṯ-a ṯarweȓ ɣar ȓexȓa mani ḏas isewjeḏ Arebbi amcan at seccen ḏinni aȓaf u miyyatayen u settin yum.

Ṯmeḍhar-d ḏeg ujenna ijjen n lƹalama nneɣni ṯegga am ddaynaṣur ḏ ameqqran ḏ azeggwaɣ ɣares sebƹa n izeǧifen ḏ ƹecra n waccawen, ḏ sebƹa n ttajaṯ x izeǧifen nnes. Ijarr s uƹennab nnes tuluṯ n yiṯran ujenna, inḍar-iṯen ɣar ṯmurṯ. Ibedd bu-sebƹa-ya izeǧifen zzaṯ i ṯemɣarṯ nni u nettaṯ tarew ḥima xmi ṯ ɣa ṯarew aḏas icc mmis.

Ṯamɣarṯ nni mmucen-as ṯnayen n wafriwen n nser ameqqran ḥima azzaysen ṯḍew ɣar ȓexȓa ɣar umcan nnes, mani ɣa twaƹṯeq ṯeȓt-snin ḏ uzyen ḏi ȓaman zeg ufiɣer nni. Isufeɣ-d ufiɣer zeg uqemmum nnes aman amecnaw iɣzar tazzȓen x ṯemɣarṯ ḥima at awin waman nni. Walakin ṯamurṯ ṯsenjem ṯamɣarṯ nni, ṯerzem aqemmum nnes ṯseɣȓi iɣzar iy d isufeɣ bu-sebƹa izeǧifen zeg uqemmum nnes.