آیات محبوب کتاب مقدس از Yuḥanna 8

به اشتراک گذاشتن

Issiweȓ ɣarsen ƹaweḏ Ƹisa inna-asen: "Nec ḏ nnur n ddunect. Wenni ḏayi ɣa iḏfaren ƹemmarṣ aḏ yuyur ḏi ṯaǧest, aɣares yiȓi nnur n ṯuḏarṯ."

Aḏ tessnem lḥaqiqa, u lḥaqiqa aḏawem d teḍȓeq aḏ tiȓim ḥurr."

Inna-asen Ƹisa i israʼiliyen yinni zzayes yumnen: "Meȓa ṯeqqimem ḏeg wawaȓ inu, aḏ tiȓim ḏ ṣṣaḥ ḏ imeḥḍaren inu.

Meȓa iḍȓeq-awem Mmis yuca-awem lḥurriya, aɣarwem ṯiȓi ḏ ṣṣaḥ lḥurriya.

Wami niṯni qqimen amenni tseqsan-ṯ, ibedd inna-asen: "Wenni iǧan zzaywem ƹemmarṣ war iƹṣi at yuweṯ s uzru netta ḏ amezwaru."

Inna-asen Ƹisa: "Aqa tesȓam ȓḥaqq: Marra wenni iteggen ȓmuƹṣiyeṯ netta ḏ ismeɣ, bab nnes ḏ ȓmuƹṣiyeṯ.

Ibedd Ƹisa inna-as: "A ṯamɣarṯ, mani ǧan? Ma war xam iḥkim ḥadd?" Ṯenna-as nettaṯ: "Wah, a Siḏi." Inna-as Ƹisa: "Uȓa ḏ nec war xam ḥekkmeɣ ca. Ruḥ, zi ssa aȓ ṯsawent war taḏaf ca ḏi ȓmuƹṣiyeṯ."