آیات محبوب کتاب مقدس از Ayṯ-Ufasus 5

به اشتراک گذاشتن

Falihaḏa ggem mamc itegg Arebbi minzi kenniw ḏ ṯarwa nnes imƹizzen. Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

Iḏen fa, rajƹaṯ ixef nwem xzareṯ mammec iy ɣa ṯƹicem. Maci aḏ tƹicem am yinni iy ḏi ṯeǧa ȓeqfaȓeṯ; Lla, ƹicem am yinni iy ḏi ṯeǧa ȓefhameṯ. Staɣellam ȓweqṯ nwem mliḥ liʼanna nhuraṯ-a ḏ iƹeffanen.

War skareṯ ca s ccreb ig itawin ɣar lmadella n ssekra; Lla, ccarem s Arruḥ iqeddsen. Siwȓem ag wayawya s wawaȓen n Zzabur ḏ lʼamdaḥ ḏ yizȓan ruḥiya. Ɣennjem, ggem lmusiqa i Siḏi Arebbi ḏeg wuȓawen nwem. Cekkarem ȓebda Arebbi Babaṯneɣ x marra ṯimesȓayin ḏeg yisem n Siḏiṯneɣ Ƹisa Lmasiḥ.

Iwa war tiȓim ca bȓa ȓaƹqeȓ; Lla, fehmeṯ min ixes Siḏi Arebbi.

Ay iryazen, ḥibbem ṯimɣarin nwem mammec iḥibb Lmasiḥ jmaƹeṯ n ȓmuminin iṣeddeq xas ixef nnes ḥima at issiṣfa. Yarri-t ḏ ṯamenqawiṯ wami t isireḏ s waman ḏ wawaȓ nnes.

Cuf, ḏeg yijjen n ȓweqṯ kenniw tuɣa ḏ ṯaǧest, ȓexxu kenniw ṯḏewȓem ḏ ijjen n nnur ḏi Siḏi Arebbi. Iwa ƹiceṯ am ṯarwa n nnur.

Ṯaƹem i wayawya ƹlaḥsab ȓuweqqar nwem i Lmasiḥ.

A ṯimɣarin, ṭaƹent i iryazen nkent mammec iy ṯṭaƹant i Siḏiṯneɣ.

Innama, labud kuȓ ijjen zzaywem aḏ iḥibb ṯamɣarṯ nnes am mammec itḥibba ixef nnes. Ṯamɣarṯ u labud aḏ tweqqar aryaz nnes.

Lkitab iqqar: <X manaya aryaz aḏ ismeḥ ḏi babas ḏ yemmas aḏ imun ak ṯemɣarṯ nnes, ṯnayen iḏsen aḏ ḏewȓen ḏ ijjen.>

War carrcem ca ḏi ȓexḏayem n ṯaǧest war tarwent ca, feḍḥem-ṯent.