آیات محبوب کتاب مقدس از Ayṯ-Kulus 2

به اشتراک گذاشتن

Iḏen, mammec ṯqebȓem Ƹisa Lmasiḥ amenni iy ɣa ṯƹicem. Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ. Imḥa amarwas nni ig izemmmen xaneɣ aqaṯ ḍed nneɣ s Lqanun. Manayenni iysi-ṯ iṣemmar-iṯ x ṣṣalib.

Liʼanna Lmasiḥ marra min iǧan n Arebbi izḏeɣ ḏi ddat nnes. Kenniw ṯuḏarṯ nwem ṯekmaȓ ak Lmasiḥ iǧan netta ḏ azeǧif itrayyan x marra yinni iḥekkmen ḏ yinni ijehḏen.

Iḏen war tejjam ḥadd akenniw iƹeyyeb x min tettem niɣ x min ṯsessem niɣ x ca n ȓeƹyuḏaṯ iy tiȓin kuȓ ƹam niɣ kuȓ char niɣ x nhar n ssebṯ n lƹibada. Marra ṯimesȓayin-a niṯenti am ṯiȓi waha n ṯmesȓayin nni iy d ɣa yasen, ṯimesȓayin nni n ṣṣaḥ n Lmasiḥ.