آیات محبوب کتاب مقدس از ମାତିଉ 13

به اشتراک گذاشتن

ମାତର୍‌ ଏନ୍‌ ବାକ୍ୟ ୱେନ୍‌ଜି ବୁଜାନାନ୍‍, ଆୟାକାର୍‍ ୱିତାତିମାନି ନେଗି ବୁମିଦି ୱାଜା । ୱାର୍‌ ନାଣ୍ତ ପସଲ୍‍ ଆସ୍‌ନାର୍‌, ଏନ୍‌ ସହେ ଗୁଣୁ, ଏନ୍‌ ସାଟେ ଗୁଣୁ ଏନ୍‌ ତିରିସ୍‌ ଗୁଣୁ ।”

ଏନ୍‌ ବାକ୍ୟ ୱେନାନ୍‌, ମାରି, ଦୁନିଆଦି ସିନ୍ତା ମାରି ଦନ୍‌ତି ଆସା ୱାନିଙ୍ଗ୍‌ ତିଗ୍‍ନା ପକ୍‍ନାତ୍‍, ମାରି ୱାର୍‌ ପସଲ୍‍ ଆସ୍‍ଏର୍‍, ଆୟା ଲୋକ୍‌ ସାମ୍‌କା ଦୁପାଦୁ ୱିତାତିମାନି ବୁମିଦି ୱାଜା ।

ଏର୍‌ ମୁସ୍‌କୁପୁର୍‌ତି ନେଗି କାବୁର୍‌ ୱେନାର୍‌, ମାତର୍‌ ବୁଜାଏର୍‍ । ୱାନ୍‌ ୱିତାତିମାନି ସାରି ଲାକ୍‌ତୁରି ବୁମିଦି ୱାଜା । ସୟତାନ୍‍ ୱାନି ଜିବନ୍‌ତୁ ୱିତାତିମାନି ଆୟା ବାକ୍ୟ ଡ଼ିବିସ୍‍କିନାଅନାତ୍‍ । ସାରି ଲାକ୍‌ତୁ ଆର୍‍ତିମାନି ୱିତୁଦି ଅର୍ତ ।

ଏମେକାର୍‌ ବାକ୍ୟ ୱେର୍‍ଇଦାପ୍ରେ ୱେଡ଼ିକାଦାନ୍‌ ଆସ୍‍ନାନ୍‍, ୱାର୍‌ ପିଡ଼ିପି ବୁମିଦୁ ଆର୍‍ତିମାନି ୱିତୁଦି ସାମାନ୍‍ । ୱାରି ମନ୍‍ତି ଲୋଇ ଇକା ସଲ୍‍ଏତ୍‍ ଆକା ୱାର୍‌ ତାନିଙ୍ଗ୍‌ ନାଣ୍ତ ସମୟ୍ ଆସ୍‌ସି ଇଡ୍‌ଦେଙ୍ଗ୍‌ ଆଟ୍‍ଏର୍‍ । ଇୟା ମାଟା ଉଣ୍ତିଙ୍ଗ୍‌ ଏସ୍ତିୱାଲେ କାସ୍ଟୁ ନି କାସ୍ଟୁ ୱାନାତ୍‌, ୱାର୍‌ ଦାପ୍ରେ ତାନିଙ୍ଗ୍‌ ଡ଼ିସ୍‍ନାର୍‍ ।

ମୁସ୍‌କୁପୁର୍‌ କିଡ଼ିଇଦୁ ମାର୍‍ଗିତିମାନି ଦନ୍‌ତି ୱାଜା । ଅରେନ୍‍ ଲୋକୁ ଆକା ସୁଡ଼୍‌ଜି ମାର୍‍କ୍‍ସି ଇଟ୍‌ତାନ୍‌ ମାରି ୱେଡ଼ିକାଦାନ୍‌ ସଲ୍‌ସି ନିଜେଦି ୱିଜୁ ପର୍‌ଜି ଆୟା କିଡ଼ିଇଦିଙ୍ଗ୍‍ କଟାନ୍‍ ।

ମାତର୍‌ ମାରି ଏସ ୱିତୁ ନେଗି ବୁମିଦୁ ଆର୍‍ଜି ମାରାକ୍‍ଆଜି ପଲ୍‌ ଆସ୍‌ତାତ୍‌ । ଏସ ସହେ ଗୁଣୁ, ଏସ ସାଟେ ଗୁଣୁ, ମାରି ଏସ ତିରିସ୍‌ ଗୁଣୁ ପଲ୍‌ ଆସ୍‌ତାତ୍‌ ।”

ପାସି କୟ୍‍ଇ ସାନ୍ଦି ରୁଣ୍ତିୱାନିକାଙ୍ଗ୍‍ଁ ଅର୍‌ସେ ପିର୍‌ଦେଙ୍ଗ୍‌ ଡ଼ିସ୍‌ସୋ ସିଦୁ, ମାରି ପାସି କୟ୍‍ନିୱାଲେ ନାନ୍ କୟ୍‌ନି ୱାରିଙ୍ଗ୍‌ ଇନା, ଆଡ଼େକ୍‍ତେଙ୍ଗ୍‍ ଇଜି ଆଗ୍‌ଡ଼ି ଗଲୁତକା ଲାଟା ଉନ୍‌ଡ୍ରେମାନୁ କିଜି କାଟେଙ୍ଗ୍‍ ତର୍‌ଆ, ମାତର୍‌ ଗଦ୍‍ମୁ ନା କଲ୍‍କିଦୁ ଉଣ୍ତା କିଜିଇଡିଆ ।”