آیات محبوب کتاب مقدس از प्रेरितगोळ 1

به اشتراک گذاشتن

लेकीन याग पवित्र आत्मा नीम मा बंदीत आग नीमी सामर्थ्य सिक्‍कीत; अदिक यरूशलेम अदिक पुरा यहूदिया अदिक सामरीया दा, अदिक पृथ्वी इन आखरी ताका नान गवाह ईत्‍तार.”

यीशु आंदुर से अंदुन, “आ समयगोळी या कालगोळी जानसोद, यारी आप्प तांद अच अधिकार दा ईट्यान, नीम्द क्याल्सा आलच.

अदिक आंदुर से सीक्‍कु आंदरी आग्या कोट्टुन, “यरूशलेम इक बिळबाळी, लेकीन आप्प उन आ वादा अन्द पुरा आगोद हादी कायतेला ईरी, यार्द बारा दा ना नीमी हेळीदिन. यतिकी बपतिस्मा कोळावाळा यूहन्ना रा नीर दा बपतिस्मा कोटान लेकीन थ्वाळासा दिनगोळ्द बाद्दा नीव पवित्र आत्मा देल बपतिस्मा ताकोंडीर.”

आव सोत्‍तुर बाद्दा हापाळ सा पक्‍का प्रमाणगोळ देल तान-तान इक आंदरी जित्‍ता तोर्सदुन, अदिक चालीस दिन ताका आव आंदरी कांळ्सतेला ईत्‍तुन, अदिक परमेश्वर उन राज्य अन्द मातगोळी हेळतेला ईत्‍तुन.

ईद अनकु आव आंदुर नोळ्त-नोळ्त अच म्याकुच नेगुकु आदुन, अदिक आकाश इन ढग आऊक आंदुर कण्णगोळ देल होच बुळ्त.

यीशु उन होगाहोती याग आंदुर आकाश दी तार हचकु नोळोर, रा नोळी, येढ्ढ मंळसागोळ बिळेव चमकदार कपळा हाक्‍कु आंदुर हात्‍ती बंदकु निदुरदुर, अदिक आंदुर से अंदुर, “हे गलीली लॉकुरा, नीव येती निदुरकु आकाश दी नोळेतीर? ईवा यीशु, जो नीम हात्‍ती टु स्वर्ग मा नेगुकु आदुन, याता रीति देल नीव आऊक स्वर्ग इक होग्त नोळदीर अदा रीति देल आव मात्‍त बंदान.”