آیات محبوب کتاب مقدس از MAREKO 6

به اشتراک گذاشتن

Mme a ba raya a re: “Tlang lona lo le losi, re tsweleng kwa thoko kwa felong fa go se nang batho, mme lo itapolose ka lobakanyana.” Gonne go ne go le batho ba le bantsi ba ba tlholang ba boaboa, ba bile ba ba tlhokisa lobaka le fa e le lwa go ja.

Jesu a ba raya a re: “Moperofeti ga a ke a tlhoka tlotlo, fa e se mo lefatsheng la ga gabo, le mo losikeng lwabo, le mo ntlong ya gagwe.”

Mme a tswa, a fitlhela bontsi jo bogolo jwa batho, mme a ba tlhomogela pelo, ka ba ntse jaaka dinku tse di se nang modisa; mme a simolola go ba ruta dilo di le dintsi.

O ne a sa ka ke a dira tiro epe ya nonofo teng, fa e se gore o ne a baya diatla tsa gagwe mo balwetsing ba se kae, mme a ba fodisa. Mme a gakgamalela go tlhoka go dumela ga bone. A nna a tsamaya le metsana. A e dikologa a ruta.

Mme a tsaya dinkgwe tse tlhano, le ditlhapi tse pedi, a lelalela legodimong, a leboga, mme a ngathoganya dinkgwe; jaana a di neela barutwa go di baya fa pele ga batho; le tsone ditlhapi tse pedi a di ba abela botlhe. Ba ja botlhe, ba kgora. Mme ba sela dikabetla, tsa tlatsa diroto di le 12, le ga tsone ditlhapi.