آیات محبوب کتاب مقدس از EKSODA 2

به اشتراک گذاشتن

Modimo wa utlwa ho dumaela ha bona, mme Modimo wa hopola selekane sa wona le boAbrahama le Isaaka le Jakobo. Modimo wa tadima bana ba Iseraele, mme wa ba hlokomela.

Ditshiu tse ngata ha di fetile, morena wa Baegepeta a shwa. Haele bana ba Iseraele, ba ne ba ntse ba dumaela ka baka la ho tubeha ha bona, ba meketsa, mme ho meketsa ha bona ha fihla ho Modimo, kamoo ba tubehang kateng.

Eitse ha ngwana a hodile, a mo tlisa ho moradi wa Faro, mme ya eba mora wa hae, a mo rea lebitso la Moshe, a re: Ke hobane ke mo ntshitse metsing.

Yaba moradi wa Faro o re ho yena: Nka ngwana enwa, o nkanyesetse yena, mme ke tla o fa moputso wa hao. Mosadi a nka ngwana, a ya mo anyesa.

Yaba moradi wa Faro o theohela nokeng ho ya tola, mme barwetsana ba hae ba nna ba itsamaela lebopong la noka; eitse ha a bona sethoto hara lehlaka, a roma lekgabunyane la hae ho ya se nka.

Mehleng ya ha Moshe a se a hodile, a tswa ho ya etela banababo, a tadima ho tubeha ha bona, mme a bona monna wa Moegepeta a otla monna wa bahabo, wa Moheberu. Yaba o thalatsa kwana le kwana, mme eitse ha a bona ho se motho, a bolaya Moegepeta, a mo pata lehlabatheng.