آیات محبوب کتاب مقدس از Loma 3

به اشتراک گذاشتن

Padhá de, anga ndʉ okpála hana amene siti ’ngʉ́, kaka-a, Ebhe bhʉ́ sangu gba e adji ’ngbʉ e lɨ uo adji. Engʉ́ bini, Ebhe bhʉ́ bádha bhʉ́ ’bu gba e amene me u kolo ngbingbili bhʉ́ djila nɨ padhá. Anɨ amene mo-o lɨ kpadjɨ gba Yesu Kilisito ɨnde ngagbegbe uo sakpa siti-o.

Kpadjɨ ango-o me, Ebhe ngao okpála ngbingbili kala e lɨ kpadjɨ nabhuka Yesu Kilisito ka uo-o. Anɨ ngamene mo-o pɨ ndʉ okpála hana ɨnde ngabhuka anɨ-o. Ndʉ uo hana ngasia mʉkobho bha lɨ koli kpadjɨ bini ɨnde gba Yesu Kilisito-o.

Yesu Kilisito ne kpála ɨnde lɨ Ebhe abhʉ e me anɨ kpi mada nɨ́ ka siti ’ngʉ́ gba nɨ́-o. Anɨ tuko ngʉte e ngʉ́ nae siti ’ngʉ́ gba nɨ́-o. Kpadjɨ ango-o Ebhe aleke pɨ okpála bhende abhuka-o. Ebhe amene mo-o ngʉbula me nɨ́ mbɨla me nɨ ne ngbili kpála. Bhʉ́ nedhɨnga na kalanʉ-o, nedhɨnga lɨ okpála adʉ namene siti ’ngʉ́ lɨe, anɨ adʉ ne ’ndjá bua pɨ uo, anɨ adʉ atsia siti ’ngʉ́ ɨnde u adʉ amene e mʉgɨto me anɨ u de. Bhʉ́ nedhɨnga na mbɨa ɨnde-e, anɨ ngasuno me nɨ ne ngbili kpála. Kaka-a, anɨ ao ndʉ okpála hana ɨnde abhuka Yesu-o me u dʉ ngbingbili bhʉ́ djila nɨ.

Padhá de, anga kpála bini belegʉ ade ɨnde ɨ tɨ da nakoto ngbili kpála kala Ebhe ka namene lɨ́lɨ-o. Kulu gba lɨ́lɨ-e bha bini ne nateteke okpála ngʉ́ nambɨla me siti ’ngʉ́ ngae dho-ie.

A maka u aye lɨe bhʉ́ Bhuku gba Ebhe-e me: «Ngbili kpála ade, belegʉ de bini. Kpála ɨnde ngakɵ mboli ’ngʉ́ ade, kpála ɨnde ngagɨlɨ Ebhe-e belegʉ ade bini. Ndʉ okpála hana ao ká kpadjɨ gba Ebhe-e ao, ndʉ uo hana angɨta. Kpála ɨnde ngamene bádha ’ngʉ́-o ade, belegʉ de bini!

Padhá de, anga ya au me kpála-kʉtɨ ngakolo ngbingbili kala Ebhe ka nabhuka gba e. A ko de me anga anɨ amene lɨ́lɨ-e hana-a de.

Abana lɨ ndʉ okpála hana dʉ bha ne obhʉlʉ eu-o, Ebhe papa bha naae kʉkʉlʉ ’ngʉ́. A maka u aye lɨe bhʉ́ Bhuku gba anɨ-e me: «Ngamʉ Ebhe, nedhɨnga mʉ ngagama ’ngʉ́ lɨe, ndʉ okpála hana ngambɨla me mʉ ne ngbili kpála . Ɨ dʉ di me u nde anʉ ne mʉ gba okpála nakodho ’ngʉ́-o, u ú ehe ɨnde ayo me u holo mʉ lɨ e belegʉ de bini.»