آیات محبوب کتاب مقدس از Yosua 7

به اشتراک گذاشتن

Puham umpogau' dosa to Israel aka untekka pahenta to situhu' indo pa'dandiangKu to puha kupadandam dio olona. Deem sanaka-naka indo baham-baham to puha dipa'tantu la dipadahi kapu' naboko, anna nabunii illaam ongeam pahuhunna. Mane naägä'i naua tä' deem kiala.

Pengke'de'ko, sehoi to Israel. Uaanni: <Sehoikoa' kalemu tentomai anna mala sediakoa' allo makale', aka susi inde kadanNa DEBATA, Puang Allataala to napenombai to Israel: Oa' to Israel, deem baham-baham to puha dipa'tantu la dipadahi kapu' illaam pa'pongngeammua'. Inna tä' siaa' la umbela untingngajo balimmu, ke tä'pi puha muäläia' dio mai kalemu indo baham-baham to puha dipa'tantum la dipadahi kapu'!

Iam too kasuhunganna anna tä'um nabela to Israel untingngajo balinna. Silele napasosso' balinna aka dipa'tantum pole' temo la dipempa'deam. Tä'ungkoa' deem la kuolaam, ke tä'ia' umpadahi kapu' indo baham-baham to puha dipa'tantu la dipadahi kapu'.