آیات محبوب کتاب مقدس از Иоил 2

به اشتراک گذاشتن

“Палдава́ акана́”, – ракирэ́ла Рай Дэвэ́л, – “рисён кэ Мэ сарэ́ тумарэ́ илэ́стыр постоса, ровибнаса и тугаса?”

И пало́ (после) дава́ явэ́ла адя́кэ, со Мэ да́ва пхэрдэ́с Миро Ду́хо кажнонэ́ лочакэ (плотякэ); тумарэ́ чхавэ́ и тумарэ́ чхая́ явэ́на тэ ангилпхэнэн, тумарэ́ пхуранэ́ мануша́ явэ́на тэ дыкхэ́н сунэ́, и тумарэ́ тэрнэ́ мануша́ явэ́на тэ дыкхэ́н дыкхибэна.

И рискирэ́н тумаро́ ило́, а на урибэ́н, рисён кэ Рай Дэвэ́л, тумаро́ Дэвэ́л, пал-дова́ со Ёв исын лачхэ́-де́скиро и бут исын ла́ска Лэ́стэ. Ёв ле́нтэс (насыгэс) холясо́ла, и Ёв исын лачхэ́-илы́тко; и Ёв тангинэла (жалинэла) анги́л дова́, сыр тэ кэрэ́л биба́хт.

И явэ́ла адя́кэ дрэ долэ́ дывэса́, со, ко́ли вари-кон явэ́ла тэ кхарэл лав Ра́скирэ-Дэвлэ́скиро, то одова́ зракхэ́лапэ; пал-дова́ со зракхибэ́н явэ́ла пэ бэ́рга Сио́но дро Ерусалимо сыр Рай Дэвэ́л пхэндя́: и ваш кодолэ́нгэ, савэ́ ячнэ́пэ, кон явэ́ла тэ кхарэл Рас-Дэвлэ́с.

Кхам парудёла пэ калыпэ́н, и чхон парудёла пэ рат, – анги́л, сыр явэ́ла баро́ и трашано Дывэ́с Ра́скирэ-Дэвлэ́скиро.