آیات محبوب کتاب مقدس از Яви́р Зако́но 11

به اشتراک گذاشتن

и сыклякирэ́н лэ́нгэ пэ́скирэ чхавэ́н, ракири́ пал лэ́ндэ, ке́ли ту сан бэшто́ дро тыро́ кхэр, и ке́ли ту джа́са дромэ́са, и ке́ли ту пасёса, и ке́ли уштэса

И палдава́ чхувэ́н (прилэ́н) далэ́ Мирэ́ лава́ дро тумаро́ ило́ и дро тумаро́ ди, и пхандэн лэн пэ рипирибэ́н пэ пэ́скиро васт, и мэк тэ явэ́н ёнэ пхандыпнаса машки́р тумарэ́ якха́

Ко́ли тумэ́ явэ́на тэ шунэ́н Мирэ́ припхэныбэна́, савэ́ Мэ ракира́ва тумэ́нгэ ададывэ́с, тэ рикирэ́н сыр Дро́гима дро тумаро́ ило́ Рас-Дэвлэ́с, Дэвлэ́с тумарэс, и тэ дынаринэ́н Лэ́скэ сарэ́ тумарэ́ илэ́стыр и сарэ́ тумарэ́ дестыр, то Мэ да́ва тумарэ́ пхувьякэ брышы́нд дрэ пэ́скиро часо, тасярлуно/пэрвотуно (раннё) и коригуно (позднё); и ту скэдэса тыро́ маро́ и тыри́ мол (вино), и елеё тыро́

И палдава́ сыка́в паты́в Ра́скэ-Дэвлэ́скэ, Дэвлэ́скэ тырэ́скэ, и ракх, со Ёв пхэндя́ тэ ракхэ́с, и упхэныбэна́ Лэ́скирэ и зако́ны Лэ́скирэ и припхэныбэна́ Лэ́скирэ дрэ сарэ́ дывэса́.

Акэ, мэ выпхэнава тумэ́нгэ ададывэ́с бахтякирибэ́н и прокошыбэ́н: бахтякирибэ́н, ко́ли тумэ́ шунэ́на припхэныбэна́ Ра́скирэ-Дэвлэ́скирэ, тумарэ́ Дэвлэ́скирэ, савэ́ мэ ракира́ва тумэ́нгэ ададывэ́с, а прокошыбэ́н, ко́ли тумэ́ на явэ́на тэ шунэ́н припхэныбэна́ Ра́скирэ-Дэвлэ́скирэ, тумарэ́ Дэвлэ́скирэ и джа́на дрэ риг дромэ́стыр, пал саво́ ракира́ва тумэ́нгэ ададывэ́с, и джа́на пала́л пал явирэ дэвлорэндэ, савэ́н тумэ́ на джинэ́на.

и чхин лэн пэ тырэ́-кхэрэ́скирэ косяки и пэ тырэ́ вудара́, соб (кай) ада́кицы бут тэ явэ́н тумарэ́ дывэса́ и тумарэ́-чхавэ́нгирэ дывэса́ пэ доя́ пхув, сави́ Рай Дэвэ́л совлахадя́ тэ дэл тумарэ́ дадэ́нгэ, ци бут дывэса́ болыбэ́н явэ́ла пэ пхув.

Ракхэ́нпэ, соб (кай) тэ на хохавэлпэ ило́ тумаро́, и тумэ́ тэ на отджан дрэ риг, и тэ на лэн тэ дынаринэ́н явирэ дэвлорэ́нгэ, и тэ на мангэ́нпэ лэ́нгэ