آیات محبوب کتاب مقدس از Дание́лё 9

به اشتراک گذاشتن

И мангдёмпэ мэ Ра́скэ-Дэвлэ́скэ мирэ́скэ и откэравас мэ ило́ и ракиравас: “Манга́ва Ту́тыр, Раё Дэ́вла, баро́ и дивно кэ дар, Кон ракхэ́ла завето и ла́ска кодолэнца, савэ́ рикирэ́на Тут сыр Дро́гима дро ило́ и рикирэнапэ кэ припхэныбэна́ Тырэ́!

Причху́в, миро Дэ́вла, кан Тыро́ и шун, откэр Тырэ́ якха́ и дыкх пэ амарэ́ чхучипэна и пэ фо́ро, саво́ кхардо пир лав Тыро́; пал-дова́ со амэ кэдасам амарэ́ мангипэна анги́л Ту́тэ, амарэ́ чачунэ́ рэ́нды, нэ пир Тыри́ бари лачхэ́-илы́ткима. Раё Дэ́вла, шун! Приманг (простин) амэ́нгэ, Раё Дэ́вла! Кандэ и кэр сыгэды́р ваш Ту́кэ Кокорэскэ, Дэ́вла миро, Тыро́ Лав дыно́ Тырэ́ фороскэ и Тырэ́ манушэ́нгэ.”

И рискирдём мэ муй миро Ра́скэ-Дэвлэ́скэ патерьяса и мангипнаса дро посто и дро балытко гоно́ праскаса.

И амарэ́ Растэ-Дэвлэ́стэ исын ла́ска, отмэкибэн грэхэнгиро, пал-дова́ со амэ са́мас бунтуи́тка проти Лэ́стэ.

Тэ́ньци ёв чхувэ́ла зор пэ завето ваш бутэнгэ пэ екх эфтытко, и дрэ паш эфтытко пириячэлапэ свэ́нто яныбэ́н, и маруно́ свэ́нто дыибэ́н, и пэ пхак (крыло) свэнтонэ́ штэтоскиро явэ́ла чхучакирдо джунгалыпэ́н (брыткима) и анги́л дова́, сыр сыкадыно хасибэ́н пэрэ́ла пэ чхучибнаристэ (спустошытелёстэ).”