آیات محبوب کتاب مقدس از Psalmy 71

به اشتراک گذاشتن

Pal-dová so Tútyr me užakirava lačhipén, o, Rajo Dévla, Dévla, ke Tu me riskirdjom péskiro iló terné beršéndyr.

Jav vaš mánge skalasa, pal saví mánge ŭsády (sak) te garadjovav. Tu dyján priphenybén te zrakhen man, pal-dová so Tu san sýrby mirí skála i tvárdyma (diz) te prirakhen man.

Ne me javáva ŭsády (sak) te užakirav lačhipén Tútyr, i me javáva te šaráv Tut butýr i butýr.

Pal Túte, Rajo Dévla, me garadjovava, sob (kaj) Tu te zrakhes man: na domek nijékhvar, sob (kaj) me te javav ladžakirdó.

Mek te šarén Tut miré uštá, mek jone te slavinén Tut saré dyvesá.

Miro muj phenéla pal Tyró čačipén i pal dová, so Tu kerdián te zrakhes amen saré dyvesá, pal-dová so me až na džinóm (džináv) te ginav saró davá.