آیات محبوب کتاب مقدس از Psalmy 103

به اشتراک گذاشتن

Slavin i parikir Ráske-Devléske, miro di, i na bistyr léskiro baró lačhipén.

Raj Devél primangela saró miro čoripén, Jov vysastiakirela saré miré dukhá. Jov vyrakhela tyró džiibén xasibnastyr, Jov čhudiá viánka (koróna) pe túte lačhipnastyr i lačhé-ilytkimatyr, Jov déla dová, so tu kamésa, sob (kaj) tu te dživés syr ternó órlo (kído).

Davidóskiro Psálmo. Slavin i parikir Ráske-Devléske, miro di, mek miro iló i dúho (fáno) te slavinén Les.

Syr adákicy but dad tanginela péskire čhavorén, adiáke-pac' zoraló Raj Devél tanginela odolén, savé daréna Léstyr.

Adákicy dur isyn čačé rigátyr ke zérvo (liévo) rig pe phuv, adákicy-pac' dur jov čhuvéla krig amaré gréhi.

Raj Devél isyn lačhé-iléskiro i tanginela sarén, Jov nasyges xoliasóla i isyn barvaló te sykavél Léskiri lačhé-ilýtkima.

Jov na kerdiá adiáke, sob (kaj) ame te javas bangé pal amaré gréhi, Jov na otdyjá pale fuipnasa aménge pal amaró čoripén. Pal-dová so syr vučés isyn bolybén phuvjátyr, adákicy-pac' but isyn lačhé-ilýtkima Devléste vaš odolénge, savé daréna Léstyr.

Raj Devél začhudia trono Péske pe bolybén i léskiro kralipén rikiréla zor pir saró.