آیات محبوب کتاب مقدس از Pritčy 28

به اشتراک گذاشتن

Kon garavela péskire gréhi, odoléske na javéla mištó, ne kon pridžinela gréhi i mekéla te kerél len, kodolés Devél tanginela.

Kon zoralés patiála péskire ileske, kodová isyn dylynó, ne kon godes dživéla, kodová javéla zrakhno.

Fuj manúš našela krig, kiéli nikón na tradelape pal léste, ne čačunó manúš isyn murškanó syr ščer (liévo).

Bahtaló isyn manúš, kon usady (sak) patyvása daréla Devléstyr, ne kon pharjakirela péskiro iló, kodová peréla dre bari bída.

Kon déla čororeske, kodoleste na javéla nauhtylyben/na javéla nádosi (kodová na čorjola), ne kon zakerela léskire jakhá, pe kodoleste javéna but prokošybena.

Kon sykavéla bang javire manušéske, kodová lathéla butýr láska parikiribnasa, syr kodová manúš, kon šarela javire manušés na iléstyr.