آیات محبوب کتاب مقدس از Pritčy 16

به اشتراک گذاشتن

Dopatia Tyrí butý Ráske-Devléske, i tyré dúmy risjona dro čačipén.

Manušéskiro iló obduminela péskiro drom, ne Raj Devél sykavéla (mamuiakirela) léskiro drom.

Kuč lavá isyn syr avgín (meda): gudló vaš di, i sastypen vaš kokalý.

Manúš priduminela péskire ilésa, ne dová so jov Rástyr-Devléstyr pe davá otphenelape čibása (čibjasa).

Kon povolin'kes (liéntes) xoliasóla, isyn fedýr zoralé manušéstyr, i odová, kon rikiréla zor pe péskiro dúho (fáno), isyn fedýr odoléstyr, savó léla fóro.

Phut'kiribén isyn usady (sak) ke xasibén, manúš, savó zadelape, syg peréla.

Dre manušéskire jakhá saré léskire dromá isyn bidošengire, ne Raj Devél roskedela (važynela) tumaró dúho (fáno).

Kon priléla lav godiása, odová lathéla lačhipén, i kon risjola ke Raj Devél te zrakhelpe, odová isyn bahtaló.

Fedýr te javél nábut, ne doresno čačipnása, syr te javél baró kófo, ne načačipnasa.

Isyn drom, syr zdelape manušéske, sob (kaj) jov isyn čačunó, ne jov ladžala ke meribén.

Načačuno manúš rozlydžala čingárd, kon gundiarinela (šepčynela), odová roskerela fedyršone malen.