آیات محبوب کتاب مقدس از Jeriemiéjo 6

به اشتراک گذاشتن

Raj Devél rakiréla adiáke: “Terdjon pe dromá, i dykhén, i phučén pal phurané dromá, kaj isyn lačhó drom i džán pir davá drom, i tumé lathéna diéske te otkhinjon. Ne jone otphendlé: “Ame na džása pir davá drom.”

Jone sastiakirde [sastiakirena-r.s.] čhindló fránso (rana) miré-manušéngiri vari-syr, phení: “Ramánjo, ramánjo (miro)!” Kiéli nane ramánjo.

Šun, phuv! Ake Me janáva bibáht (xasibén) pe adalé manušénde, i pe dová, so jone priduminena; pal-dová so jone na šundlé Miré lavá, i so jone otphendepe Miré Zakonóstyr.

Konéske me, Jeriemiéjo te phenáv, i te dosykavav, sob (kaj) jone mogindlé te šunén? Ake, léngiro kan isyn naobčhindlo i jone naštý te šunén. Ĥáda, Ráskire-Devléskiro lav nane dre patýv lénde; jone na radynénape léstyr.