آیات محبوب کتاب مقدس از Jeriemiéjo 23

به اشتراک گذاشتن

“Ci moginéla (saštý) manúš te garadjol dre čorahane štéty, sob (kaj) Me te na dykháv les?” – rakiréla Raj Devél. “Ci na som Me pe bolybén i pe phuv?” – rakiréla Raj Devél.

“Ake, javéna dyvesá”, – rakiréla Raj Devél, – kiéli Me čhuváva upré nevéstyr Davidóske Rand' (Otbaripen) čačuný, Kralís, jov javéla te rainel i te kerél saró godes. Jov javéla te kerél čačunó séndo i pir čačipén pe phuv. Dre dolé dyvesá Judéia javéla zrakhny, i Izrailjo javéla te dživél bi darákiro. Jov javéla te kharelpe: ‘Raj Devél isyn amaró Čačipén.’

“Bida čhupnar'jenge (pastyrienge), savé muliakirena i rosčhurdena (rostradena) bakrén Miré čaritkone phuvjátyr!” – rakiréla Raj Devél.

“Ne Me skedáva otiačiben (odolén, kon jaciápe) Miré ĥurtostyr saré themendyr, ke savé Me protradyjom len, i Me janáva len pale pe léngire čaritka phuvjá, i lénde javéna but čhavoré, i len javéla but. I Me čhuváva čhupnar'jen pe lénde, i jone javéna te čaliakiren len; i jone na javéna te darén butýr, i jone na javéna zaphagirde dro dúho (fáno), i nikón na xasjola léndyr”, – rakiréla Raj Devél.

Adiáke rakiréla jangoléngiro-bolybnáskiro Raj Devél: “Na pričhuvén kan ke lavá, so proróki angilphenena tuménge. Jone dylniakirena tumen; jone rakiréna pal godengiro sunó, savó isyn pe iló lénde, a na dová, so Raj Devél rakiréla.