آیات محبوب کتاب مقدس از Isajos 9

به اشتراک گذاشتن

Pal-dová so Bijáto bijándyja aménge, čhavó isyn dynó aménge; Jov léla zor dro Péskiro vast, i déna Léske lav: Lačhó Godypnari, zoraló Devél, Dad, konéste isyn viéčno džiibén, dalé-svetoskiro Thagári (Kniazjo).

Narodo, savó psiréla dro kalypén, javéla te dykhél dud; ke odolé, kon dživelas dre kalypén (cjomnyma) syr meribén, zahačola dud.

Zor Léskiri i ramánjo (miro) na pirijačéla pe Davidóskiro trono dro Léskiro kralipén, sob (kaj) Jov (Devél) te podrikirél les sendosa i čačipnása dalé dyveséstyr i pe saró viéko. Zevlynypen Ráskire-Devléskiro keréla davá.

Pal-dová, so kažnoneskire-xaladeskire tyraha maribnastyr, uribén léskiro, savó isyn dro rat, shačkirena, otdena, sob (kaj) jag te shal len.

Dro anglatunó časo (cýro) sys teliakirdy Zavulonoskiri phuv i phuv Niefalimoskiri; ne dová časo, savó javéla, ĥazdéla baripnasa drom pašýl mórjo (derjáv), pal Iordanoskiri phuv, Galiliéia, kaj Najudýtka manušá dživéna.

Tu ĥazdesa dúho (fáno) dro narodo, i désa léske bari rádyma. Radypnytko Jov javéla te radynélpe angíl túte, syr radynénape manušá, kóli skedéna maró, kóli rozlena doresybén.

Pal-dová so ĥámo, pharipén léskiro, destó, savó les marelas, Tu phagiresa syr dro Madiamoskiro dyvés.”