آیات محبوب کتاب مقدس از Isajos 11

به اشتراک گذاشتن

Javéla čhudo pe léste Ráskire-Devléskiro Dúho (Fáno), dúho, savó déla Devléskiri godý i godypén phuvitko; savó déla podphenyben i zor, dúho pir džinybén i pir svénto džiibén. Ráskire-Devléskire darása pherdjola Jov, i javéla Jov te sendiakirél na adiáke, syr dykhéna Léskire jakhá, na adiáke, syr šunéna Léskire kaná.

I vybarjola otbaripen Jesiejoskire kornjostyr (rukhestyr); kadavá rukh vybarjakirela neví rand'.

Jov javéla te sendiakirinel čororen čačipnása; kodolengire, kon stradynela pe phuv, réndy čačipnása rossendiakirela; Jov Péskire vuštengire destesa marela phuv, Péskire vuštengire duhósa zamarela grehitkoné manušés.

I obphandelape Jov čačipnása pir trušula (čriesly), čačipén javéla Léskiro obphandypen upré pir ĥerá.

Na javéna te kerén xolý ci doš pe Mirí svénto bérga, pal-dová so phuv pherdjola Devléskire džinybnasa, syr mórjo (derjáv) pherdjol paniésa.

Tén'ci ruv javéla te dživél khetané bakroresa, rič javéla paštó khetané buznoresa; guruvoro, ternó ščer (liévo) i ruv khetané javéna; tyknó bijáto javéla len te lydžál.

I javéla dro dová dyvés: ke kornjo (rukh) Isiejoskiro, savó jačéla syr sciago te prikharel narody, obrisjona Najudýtka nácyi, i baripnasa javéla léskiro otkhinyben.