آیات محبوب کتاب مقدس از Judénge 12

به اشتراک گذاشتن

Pal-dová so trusciál aménde adiáke-pac' isyn adákicy but jakhítka/iakhalé (svidietieli), javén čhurdasa péstyr liubo ĥámo pharipnasa i grého, savó priphandelape ke ame syr felý (sietka) i javása so isyn zor te vyrikiras, javása te pričhuvas zor te džas pir amaró džiibnytko drom, savó isyn angíl aménde; i javása te dykhas pe Isusóste, Savéstyr isyn amaró patiaibén, i Savó keréla amen bidošakirenca, Savó zamiést rádyma, saví javélas vaš Léske, i Savó vyrikiribnasa piridživdia trušulyben ke meribén, na dykhí pe ladž, i besciá pir čačó (pravo) vast Devléstyr.

Kažno sykliakiribén dro akakanatuno časo isyn vaš aménge na dre rádyma, a dro piridživiben, ne paló (poslie) dová, kon vysyklyja dalé sykliakiribnástyr, doreséla pale ramánjo (miro) čačipnáskire džiibnastyr.

Pričhuvén zor, sob (kaj) tuménge te javén dro ramánjo (miro) sarénca i dre sventyma, bi saveskiro nikón na dykhéla Ras-Devlés.

Obduminen xor pal Isusóste, Savó pirilydžija vergitko bipatyvakiro saben grehitkonendyr, davá saró déla vast tuménge te na xasiakirén zor dro dúho (fáno) i te na zden zorjása.

Pal-dová so ame prilasa kralipén, savó nijékhvar na triinskirelape, javása te rakhas bahtalypén, savésa ame moginasa te kerás butý vaš Devléske darása angíl Léste i vorohósa (baré darása).

Javén vyrikirde, kiéli Devél sykliakiréla tumen, davá sykavéla, so Devél dykhéla pe tuménde, syr pe Péskire čhavorende. Ci isyn vari-kaj adasavó čhavó, savés léskiro dad na sykliakiréla?

Pal-dová so amaró Devél isyn jag, saví saró xačkiréla.

Amaré dadá sykliakirdé amen nábut dyvesá, ne Devél sykliakiréla vaš amaró mištypén, sob (kaj) aménge te javél paš khetané Lésa dre Léskiri sventyma.

Tumé iščo (inké) na mardépe ke rat, kiéli tumé sánas terdé proti grého.