آیات محبوب کتاب مقدس از Kada Bulawan 19

به اشتراک گذاشتن

Buda to naakkattai tolino, apa akkatta-Na Ia PUANG Allataala to jaji.

Ia ke ngkamaseiki' tokaasi-asi, butung to mangpeindan lako PUANG Allataala, na Puang Allataala Ia la mpabalahhi joo panggaukanta'.

Pangpikkirisan melo mpasabbara' tau, na dipuji to tau, nasaba' te'da napallan penawai to kasalan napugauk tau lako kalena.

Pesa'dingngii to pangpakainga' mutarimai to pangpangngajah, dikua mumemmacca dau.

Ngkalaja' ngkasiri' PUANG Allataala, iamo mpamanyaman katuoanmu, mpamanyaman mamma'mu, musalama' jio mai abala'.

Inda-inda mpengkulle-kullei nnangah kamaccan ngkamasei kalena, na inda-inda to mpangngattai kamapahangan la masannang.

Pekajui to anakkamu, ke murannuanpi la melo, apa ia ke mupupangelohnai, battuanna mueloranni masolang.

Ia to tosa'bi tangtongan jio pangra'tasan kara-kara, te'da nalala'pah jio mai pangsessa, na ia to tompau kada tangtongan, nang la dilanynya'i.