آیات محبوب کتاب مقدس از Luke 12

به اشتراک گذاشتن

Dalung ishin lth ung elthgīdū; giadlu gum il katla-ung-ashang dalung gudunsdlu, nung haada Git katlā-ases altha, hin Jesus shouon.

Waigien lth kingdomgai da lang-a dīng-ū, waigien a gin isis dalung gia isīlthishang.

Gulth-gūt-gung-ū, waigien gin ga staltha wautliwon sta lth duman agung keng-ū; nung haada hēnung-gai gin kwon il dāas alth gum dugwīans altha, waigien hin tla il shudaian.

Gyāgu gin kwōyā dalang-a isis gu dalung gudung-ai ishin isises altha.

Waigien gīshdū cubit swonshung dsū-ung dsing-īlthdalthing-āgung, gudung-ung il lthkwīdadas-kianan-a?

Waigien hin gyang disciplesgai il shudaian, Althji alth hin dalung ga lth shugung, Gum lth hēnung-gang ai gudung-ung lthkwīdadang-u, gin dalung tāases-a; gum lth lthū-ung ai ishin gudung-ung lthkwīdadang-ū, gin dalung giandāases-a.

Waigien dalung kuts ou wautliwon kwai-indiāgung. Gum lth lthwaugang-u; kwūtsagū kwon telg dalung kwōyāgung.

Lumado gū-ḵutsū dalung isis, gum lth lthwaugang-ū; kingdomgai dalung ga isdie un dalung Aung gudung-ai las altha.

Yelth odō lth kwūlthilthū; gum gin tldsans gien, ishin gum gin tlīidung-ung-gung; gum tou-nai dāans gien, ishin gum corn-nai dāang-gung; waigien Shanung-itlagadas ū lthdanūdagung-gung; hetīt telg āgwī ū dalung kwōyāgung!

Waigien gin dalung tāases isgien, gin dalung nīlthises ishin lth gum da dī-ing-ung-ū, ishin lth gum gudung-ung kwondang-ū.

Kwulthkotajai ā kun is ū aiat kougung, waigien adalth tsanusi tl isdāashang; waikian Shanung-itlagadas gin giandadasdlu, gum gu wau telg gin dalung il giandadang-ashā-ash, lthing-an dalung yetdas-a?

Waigien gin salgas wautliwon kang-gelthshang; gin kwulgun-gas wautliwon ishin un ūnshidēlthshang.