آیات محبوب کتاب مقدس از PEIKHIETNA 9

به اشتراک گذاشتن

Hinanle nangma kang hinkhawina pen tam zieh ahi hi: Na tungah ka vanglietna kang lah nading le leitung buppi-ah ka min a kiphuongzah thei nading ahi hi.

Tua ciengin TOPA in Moses kungah, “Pharaoh kungah pei-in ama kungah, ‘Hebrew-te’ Pasien TOPA in tam bangci hi: Amate in keima ei bieh thei nadingun ka mite peisah in.

Azieh pen tu-in ka khut zahin pul natna tawh nang le na mite kang vatmai thei a, leitung panin zong kang sumai thei hi.

TOPA’ banhat in na lozau-a a om ganhingte ahi, sakolte, laate, kalaohte, bawnghonte, le tuuhonte tungah pul natna tawh ang vatmai ding hi. Hizongle Israel-a’ zosie khat beh a si lo nadingin Israel-te’ ganhingte le Egypt-te’ ganhingte kikalah TOPA in kilamdanna khat a bawl ding hi,” ci hi, va ci ta’n,” a ci hi.

Zing cieng tu bang hunin Egypt gam kisat huna kipan tuhun donga a kimu ngai nai lo, a nasie penpen gielpi ka kiesah ding hi. Tua ahi ziehin mi sawl inlen lozau-a na ganhingte le na nei na lam zosie munbih khatah tuosah in; tuate tungah gielpi ang kieh ciengin kibuhna munah a kipeipi lo, lozau-a a om mihing ahi a, ganhing ahi zongin a si ding hi,’ ci-in gen in,” a ci hi.

Tua khu Egypt gam buppi-ah leivui nel suoh ding a, Egypt gam buppi-ah mihing le ganhingte tungah uilut hima a suoh ding hi,” a ci hi. Tuaci’n meikhuh panin ama gel in vut la-in Pharaoh’ mai-ah a ding vua, Moses in vantung lamah tua vut a theto leh tuate in mihingte le ganhingte tungah uilut hima naikul a piengsah hi.