آیات محبوب کتاب مقدس از PEIKHIETNA 2

به اشتراک گذاشتن

Pasien in a tauna uh za a, Abraham, Isaac, le Jacob tawh a thuciemna a phawh hi. Pasien in Israel-te a en a, tuale Pasien in amate a phawh hi.

Hun sawtpi zaw ciengin Egypt kumpipa a si hi. A saltanna ziehun Israel-te kapin mau-in kiko uhi. A saltanna panun huna ngenin a kikona uh Pasien kung a tung hi.

Tua nausen a gol ciengin ama in Pharaoh’ tanu kungah a peipi a, tuaci’n ama’ ta dingin a la hi. Ama in tua nausen’ min Moses hisah hi. Azieh pen ama in, “Tui sung panin ama ka kaikhie hi,” a ci hi.

Pharaoh’ tanu in ama kungah, “Tami nausen la inlen kei adingin ei keppieh in, na thaman kang pie ding hi,” a ci hi. Tuaci’n tua numei in nausen la-in a kem hi.

A kisil dingin Pharaoh’ tanu gunah a peisuh a, a nasemte gun gei-ah a vah uhi. Pharaoh’ tanu in pumpeng lahah law khat mu a, tua law a la dingin a nasem nu khat a sawl hi.

Ni khat, Moses a gol zaw ciengin a mite kungah pei-in a thona-aana a septe uh a mu hi. Egypt mi khat in a sanggam Hebrew mi khat a sat ama in mu hi. Ama khuodah kawikawi a, mi koima mu lo ahi ziehin tua Egypt mipa thatin senel lahah a phuol hi.