آیات محبوب کتاب مقدس از လု 19

به اشتراک گذاشتن

အဂဲးဘဲၫယီၩၦၡၩအဖိၪခွၫယီၩ ဂဲၫလၩ့ဝ့ၫဘဲၫၥိၭအမိအၪ့ ဎၬန့, ဒဲထိးထဲၩ့တၩ့ထဲၩ့ၦလၧအလၩ့မါဝ့ၫလဖၪနီၪလီၫ.

လၩ့လၭအဂဲး,- တၭစံၭဝ့ၫ, စဎွၩလၧအဂဲၫလၧကဆါ အမံၩ့လဂၩယီၩ, မွဲအဘၪဆၧဆိၪဂ့ၩဆံၭ. ဆၧဘၪ လိၬအိၭလိၬအီၪလၧမူၭခိၪ, ဒဲဆၧလၩဖၩ့အီၪလၧဆၧ ထၪ့ထီၫထုၬလီၫ.

အၪနဲၪ့အလးလံစၩလီၫ.- ယ့ၫၡုၬစံၭအဝ့ၫ,ဆၧထိး ထဲၩ့တၩ့ထဲၩ့ ထီၩ့လၧဂံၪ့ယီၩအဖၧၩ့လနံၩယီၩလီၫ. အဂဲးဘဲၫယီၩ အဝ့ၫဒၪမွဲစအၫဘြဟၫ့အဖိၪဆ့လီၫ.

ဝ့ၫလၧဖၧၩ့ၥၭနီၪလီၫ.- ထီးယ့ၫၡုၬလ့ၩထီၩ့ထီးနီၪ, ယိထၪ့ဆၧဒၪဘၪဝ့ၫတၭ,စံၭအဝ့ၫ, စဇၭခံအၧၭဧ့, ဂဲၫထဲၩ့လၩ့ချဲၫ့ချဲၫ့ဘီၪ. အဂဲးဘဲၫယီၩ ယဘၪအီၪလၧ နဂံၪ့ဖၧၩ့လနံၩယီၩလီၫ.- အဝ့ၫဒၪစဲၪ့လၩ့ဝ့ၫချဲၫ့ချဲၫ့

စဇၭခံအၧၭဆၧၫ့ထုၪ့တၭ, လီၩဘၪကဆါနီၪ,ယိခွါ, ကဆါဧ့, ယစူၪလးယခၪ့ခိၪနံၫပိၩ့နီၪ, ယဖ့ၪလၫ့ၦၡၪ့ ဖိၪလပိၩ့လီၫ. တၭယအ့ၪအၪ့မၩန့ ၦလဂၩဂၩအ ဆၧလၧကဘျံၭကဘျၪလမံၩ့မံၩ့နီၪ,ယမိဖ့ၪလၫ့ထဲၩ့

ၦဖၫရစံၫအီၪလၧၦခမျၧးအကျၩလနၩ့နၩ့ စံၭအဝ့ၫ, ဆရၫဧ့,အၪ့လၬနထံၩနဖျဲၥံၪဘီၪ.- အဝ့ၫဒၪချဲၩ့ဆၧၫ့ ဆၧတၭ, စံၭအဝ့ၫၥံၪ, ယလီၩဘၪနၥံၪလၧၦလဖၪယီၩ, အ့ၪအီၪလၩ့မါပံၭနီၪ, လိးလဖၪမိကိၭၡၭထၪ့ဆၧလီၫ.