آیات محبوب کتاب مقدس از ຊ້າວ ມ່ຽນ 21

به اشتراک گذاشتن

ຕສ໊ຽວ ກ໊ອງ ບົ໋ວ ໂມ​ເຊ, “ອ໋ອຍ ຕສຸ ໂຕສ໋ວ ຕິ້ວ ນາງ-ໂຕະ ອັນ ວົ້ວ ຕົ່ງ ກູ້ ຫງວ່າຍ. ຕະຟ່ານ ຕສຸ ນາງ ເຍາະ ເຍີຍ ມ່ຽນ ໝັ່ງ ຢຽມ ຕົ່ງ ວົ້ວ ຕິ້ວ ຕົ້ງ ຊິ ນາງ, ວົ້ວ ເຕົ້າ ຕສ່ຽວ ຕຸ໊ ຕສຢັ້ງ ຈ໊ຽນ.”

ໂມ​ເຊ ຕສ່ຽວ ຫລົ່ງ ຕົ້ງ ຊິ ໂຕສ໋ວ ຕິ້ວ ນາງ ອັນ ຈ໊ຽນ ຕົ່ງ ກູ້ ຫງວ່າຍ. ຫາຍ ເຕົ້າ ຕສຸ ນາງ-ໂຕະ ເຍາະ ຢ່າ ໝັ່ງ ນ້າຍ ຕິ້ວ ຕົ້ງ ຊິ ນາງ, ວົ້ວ ເຕົ້າ ຕສ່ຽວ ຕຸ໊ ແໝ່ງ ທສວດ.

ນິ່ນ ບົວ ຕສ່ຽວ ງົບ ທິນ-ຮູ່ງ ເຖສົາ ໂມ​ເຊ, “ເມີ່ຍ ບົວ ເຫວີ່ຍ ຫາຍ ຕິ່ວ ຕໍ້ ເຢຍ ບົວ ທສວດ ອີ​ຢິ໊ບ ເຕີ່ຍ-ປູງ ປຸນ ເຢຍ ບົວ ຢຽມ ນ້າຍ ເຕີ່ຍ-ປູງ-ຮວາງ ໄຕ່? ຢຽມ ນ້າຍ ໄມ້ ມ່າຍ ຫຍັ່ນ ເຍີຍ ກະນ້າຍ. ໄມ້ ມ່າຍ ວວມ ຮົບ. ເຢຍ ບົວ ໂຢ໋ວ! ໄຫ່ ອີ້ ຕສັ່ນ ຫຍັ່ນ ຈ໊ຽນ ນ້າຍ ເຕີ໋ຍ ໄມ້ ເປ໋ນ ຫຍັ່ນ ເຍີຍ ກະນ້າຍ.”

ຕສ໊ຽວ ຕສ່ຽວ ປຸນ ນາງ-ໂຕະ ຢຽມ ຕສວັ໋ງ ແປະ ຝີງ ເຍີຍ ບຸດົ໋ງ. ນາງ ເຍາະ ມ່ຽນ ຕສ່ຽວ ມ່າຍ ອິ​ສະ​ລາ​ເອນ ມ່ຽນ ໄຕ່ ທສ້ຳ ໄຫ່.

ແປະ ຝີງ ຕ້າຍ ລໍ໌ ໂມ​ເຊ ຢ່າ ກ໊ອງ, “ເຢຍ ບົວ ປ໌າມ ຕສຸ໌ຍ ເຫວີ່ຍ ຕສຸ ເຢຍ ບົວ ງົບ ຕສ໊ຽວ ຢ່າ ງົບ ເມີ່ຍ. ອີ້ ຕສັ່ນ ໂທ້ ເຖງ ເຕົ໋າ ເກົ໋າ ໂທ້ ຕສ໊ຽວ ຕໍ້ ນ້າຍ ເຕີ໋ຍ ນາງ ທສວດ ເຢຍ ບົວ ບຸດົ໋ງ ມີ່ງ.” ໂມ​ເຊ ຕສ່ຽວ ເຫວີ່ຍ ນິ່ນ ບົວ ເຕົ໋າ ເກົ໋າ.