آیات محبوب کتاب مقدس از MWANDUSO 27

به اشتراک گذاشتن

Mulungu yakugwelele tungwe kulawa kuulanga na ugoli wose wa isi, Mulungu yakugwelele vakuja bwando na divai bwando. Ndewa zose ziwe watumigwa zako, na wanhu wa namna zose wainamile haulongozi wako. Uwe mtawala wa ndugu zako wose, na ndugu zako wainamile haulongozi wako. Munhu yondayakudukumize yadukumizwe heyo, na yondayakumoteze yamotezwe.”

Esau kalonga, “Kanibulunya mianza mibili ino. Kileka mana twaga jake dikemigwa Yakobo. Kasola hanhu hangu ha kuvumbuka wa ichanduso, na sambi kasola motelo zangu?” Abaho kamuuza tataake, “Hunikile motelo yoyose?”

Abaho, tataake kamulongela, “Lola, ukazi wako wowa kutali na ugoli wa isi, Kutali na tungwe dilawa kuulanga. Kokala mkutamanila zele jako, Kowa mtumigwa wa mdodo wako. Uhamdulukila, Koisegeza kulawa muutawala wake.”

Esau kamulongela tataake, “Tata, kuna motelo imwe iiyeka? Nimoteze na nie, tata!” Abaho Esau kasonga kulila na dizwi kulu.