آیات محبوب کتاب مقدس از KUHALAWA 32

به اشتراک گذاشتن

Wanhu viwonile kamba Musa kakawa kuhumuluka kulawa hakigongo, wamzunguluka Haloni, na kumulongela, “Izo, ututendele miungu, ayo yondaitulongole, kwavija Musa ija, yatulavile tweye kulawa muisi ya Misili, hatukitanga kinhu kimulawilile.”

MNDEWA kamulongela Musa, “Humuluka hasi, kwavija wanhu zako, awo uuwalavile muisi ya Misili, watenda vilozo na kunilema nie. Hima wazileka mbuli zose ziniwalondile hewo wazitende. Wakiitendela nyago da zahabu dilumbile kamba mwanang'ombe, wakitambikila na kukilavila nhosa, abaho walonga kamba ino iyo miungu yao iwalavile kulawa muisi ya Misili.

Abaho Haloni kazenga kilingo cha kulavila nhosa haulongozi wa imwanang'ombe wa zahabu na kulonga, “Mayo kowa na lusona ha MNDEWA.” Walamuka imitondo ng'hani zua da ikabili, walava nhosa za kulukuza na kugala nhosa za tindiwalo, abaho wakala hasi waja na kung'wa, wenuka na kuvina.

Imitondo iyagwe Musa kawalongela waja iwanhu, “Mtenda vilozo vikulu ng'hani. Ila sambi nochola ha MNDEWA, siku nodaha kutenda mpatano sama ya vilozo venu.”