“Bɨ̀ me ko awɨ̧ ane bènyɨꞋtà mbɨ̧te Musì. Bɔ taꞋa wua nkɔ̀ŋkà me kwaãaã mèmǎ̧ mɔb ngȩ̀ȩ̀nà, mè ntàꞋa wua nkɔ̀ŋkà bòt aa me tsàꞋtè àwɔb mè nkùkte awɔb àsà̧aã tèwentsə. Bɔ̀ɔ ngɨ̀ bɔ gha èdziꞋi mèpà̧, bɔ̂ lobte Mbɔ̧ɔ̧mà bɔ me kɨ wu ètɨ̧ ntsɔ̧̀ ka tseke a ègwet. Mbɔ̂ ngu bɔ̀ɔ̀ba bɔ̀ɔ ngɨ̀ɨ̀la bènempfə fàà èghɨ bɔb, mbɔ̂ ndɔ̀Ꞌ me tsàꞋta Mbɔ̧ɔ̧mà ndà̧à̧nà mbɨ̀Ꞌɨ̀ enɨ èvəèəèlè àghɨ a bòt la. Bɨ̀a li bɔ ngoꞋ è tsě ye bòt bàgème la.”