“Iganggan mo ray Israelita a mangyakar irad sika na sankaabigan a larak na oliba ya onkanad lamparaan, pian akaselsel lawas. Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.