آیات محبوب کتاب مقدس از ZACARIAS 9

به اشتراک گذاشتن

Maghugyaw sing daku, O babayi nga anak sang Sion! Magsinggit, O babayi nga anak sang Jerusalem! Yari karon, ang imo hari nagaabut sa imo; matarung sia kag may kaluwasan, mapainubuson kag nagasakay sa asno, sa polyino nga tinday sang asna.

Papason ko ang kangga sa Efraim kag ang kabayo sa Jerusalem; kag ang pana sa away papason, kag sia magapamolong sing paghidait sa mga pungsud; ang iya ginsakpan manginkutub sa dagat pa dagat, kag kutub sa Suba tubtub sa mga ukbung sang duta.

Sa sadtong adlaw ang GINOO nga ila Dios magaluwas sa ila subong sang panong sang iya katawohan; kay manginsubong sila sang mga bato nga tampok sang purungpurung nga nabayaw sa hitaas sa ibabaw sang iya duta.