آیات محبوب کتاب مقدس از ROMA 12

به اشتراک گذاشتن

Dili kamo magpauyon sa sining kalibutan kondi magbalhin kamo paagi sa pagbag-o sang inyo painoino, agud nga inyo matilawan kon ano ang maayo kag kalahamut-an kag himpit nga kabubut-on sang Dios.

Busa ginapakilooy ko sa inyo, mga kauturan, bangud sang mga kalooy sang Dios, sa pagdolot sang inyo mga lawas subong nga halad nga buhi, balaan kag kalahamut-an sa Dios, nga amo ang inyo espirituhanon nga pagsimba.

Magkalipay sa inyo paglaum, magpailub sa inyo kangitngitan, magpadayon sing malig-on sa pangamuyo.

Dili magpadaug sa malaut, kondi dag-a ang malaut paagi sa maayo.

sa gugma sang paghiliutud magmalolo kamo ang isa sa isa; sa kadungganan pasulabihon ang iban.

Magdisalimpapaw ang gugma; kangil-ari ang malaut, magkapyot sing malig-on sa maayo

Kon mahimo, sa masarangan ninyo, magpakighidait sa tanan nga tawo.

Dili kamo magtimalus, mga hinigugma, kondi pabayai ini sa kasingkal sang Dios; kay nasulat na, “Akon ang pagtimalus, ako ang magatumbas, nagasiling ang Ginoo.”

Magmakugihon, magmainit sa Espiritu, alagda ang Ginoo.

Kay paagi sa bugay nga ginhatag sa akon nagasiling ako sa tagsa ka tawo nga yara sa inyo nga dili maghunahuna sang iya kaugalingon sing mataas pa sa dapat niya paghunahunaon, kondi maghunahuna sing but-anan, sono sa talaksan sang pagtoo nga ginbahin sang Dios sa tagsa ka tawo.

Dili magbayad sa bisan kay sin-o sing malaut sang malaut, apang maghimulat sang butang nga dungganon sa atubangan sang tanan nga tawo.

Mag-isa sing hunahuna; dili magmatinaastaason, kondi magbuylog sa mga kubus; dili magpakamaalam sa inyo kaugalingon nga hunahuna.

Dili, “kon ang imo kaaway ginagutum, pakaona sia; kon ginauhaw sia, paimna sia; kay sa paghimo mo sini magatumpi ka sing mga baga sa iya olo.”

Pakamaayoha ang mga nagahingabut sa inyo; magpakamaayo kag dili magpakalaut sa ila. Magkalipay kaupud sang mga nagakalipay, maghibi kaupud sang mga nagahibi.

Magbulig sa mga kinahanglanon sang mga balaan, magmaabiabihon.

Kay subong nga may madamu kita nga bahin sa isa ka lawas, kag ang tanan nga bahin indi isa lamang sing hilikuton, amo man kita, bisan madamu, isa ka lawas kay Cristo, kag ang tagsatagsa kabahin sang isa kag isa.