آیات محبوب کتاب مقدس از Mga Maghuhukom 6

به اشتراک گذاشتن

Unya nagpakita kaniya ang anghel sa GINOO ug miingon, “Ang GINOO nag-uban kanimo, isog ug kusgan nga tawo.”

Unya giingnan siya sa GINOO, “Lakaw ug gamita ang tibuok mong kusog ug luwasa ang Israel gikan sa mga Midianhon. Ako mao ang nagsugo kanimo.”

Ug ang GINOO miingon kaniya, “Mahimo mo kini kay tabangan ko man ikaw. Mabuntog mo ang mga Midianhon sa labing sayon nga paagi sama nga usa ra sila ka tawo.”

Si Gideon miingon kaniya, “Nag-uban kanamo? Nganong nahitabo man kini kanamo kon nag-uban pa kanamo ang GINOO? Hain na man ang mga milagro nga matod pa sa among mga ginikanan gibuhat sa GINOO labi na kadtong pagkuha niya kanila gikan sa Ehipto? Gibiyaan kami sa GINOO ug gitugyan ngadto sa mga Midianhon.”

Ug mitubag siya, “Apan, GINOO, unsaon ko man pagluwas ang Israel? Ang akong panimalay mao ang labing mahuyang sa banay ni Manases ug ako ang labing ubos nga sakop sa akong pamilya.”

Unya ang anghel sa GINOO miadto sa balangay sa Ofra ug milingkod tungod sa kahoyng tugas nga iya ni Joas nga sakop sa banay ni Abieser. Si Gideon nga anak ni Joas naggiok ug trigo didto sa usa ka pug-anan sa bino aron dili siya makita sa mga Midianhon.

Nagtukod si Gideon didto ug halaran alang sa GINOO ug ginganlan niya kinig “Ang GINOO mao ang pakigdait.” (Hangtod karon ang halaran anaa gihapon sa Ofra nga iya sa banay ni Abieser.)

Si Gideon mitubag, “Kon nahimuot ka kanako hatagi akog timailhan nga ikaw gayod maoy nagsulti.

Apan giingnan siya sa GINOO, “Ayaw kalisang. Dili ka mamatay.”

Nagpakasala na usab batok sa GINOO ang mga Israelita busa gitugot niya nga harian sila sa mga Midianhon sulod sa pito ka tuig.