آیات محبوب کتاب مقدس از Deuteronomio 8

به اشتراک گذاشتن

Hinumdomi ninyo ang GINOO nga inyong Dios kay siya ang naghatag kaninyog gahom aron kamo mangadato ug niining paagiha gipamatud-an niya ang kasabotan nga iyang gihimo tali kaniya ug sa inyong katigulangan.

Gilisudlisod kamo niya ug gipasagdan nga kabsan ug pagkaon unya gihatagan kamo niyag mana, pagkaon nga wala pa gayod ninyo matilawi ug sa inyong katigulangan sukad masukad. Gibuhat niya kini aron pagtudlo kaninyo nga ang tawo dili mabuhi sa pagkaon lamang kondili sa matag pulong sa GINOO.

Hinumdomi nga gigiyahan kamo sa GINOO nga inyong Dios sa tibuok ninyong panaw sulod sa 40 ka tuig didto sa kamingawan. Gilisudlisod kamo niya aron pagsulay kon tumanon ba gayod ninyo ang iyang mga sugo.

Ayaw kamo pag-ingon, ‘Naangkon ko kining bahandia tungod sa akong gahom ug kakugi.’

“Ayaw gayod ninyo kalimti ang GINOO nga inyong Dios. Tumana gayod ang tanan niyang mga sugo nga gihatag ko karon kaninyo.

Hibaloi ninyo nga ingon nga pantonon sa usa ka amahan ang iyang anak, pantonon usab kamo sa GINOO nga inyong Dios.

Mangaon kamo ug mangabusog ug pasalamatan ninyo ang GINOO nga inyong Dios tungod sa maayong yuta nga gihatag niya kaninyo.

Busa tumana ang iyang mga sugo ug sunda ang iyang kabubut-on ug kahadloki siya

Siya ang naghatag kaninyog mana aron inyong kan-on, pagkaon nga wala pa gayod matilawi sa inyong katigulangan. Gibuhat niya kini aron pagputol sa inyong garbo ug sa pagsulay kaninyo alang sa inyong kabulahanan.

Kon makakaon na kamo ug mangabusog na ug makahimo na kamog matahom nga mga balay ug magpuyo na niini, kon ang inyong kahayopan ug mga plata ug bulawan ug ang tanan ninyong kabtangan modaghan na, ayaw gayod kamo pagpagarbo. Ayaw kalimti ang GINOO nga inyong Dios nga maoy nagkuha kaninyo gikan sa Ehipto diin naulipon kamo.

kay dad-on kamo niya ngadto sa usa ka tabunok nga yuta nga daghag mga suba ug mga tubod nga nag-agas sa kawalogan ug kabungtoran, yuta nga daghag trigo, sebada, ubas, igos, granada, olibo ug dugos. Yuta kini diin dili kamo gutomon ug walay makulang kaninyo, diin makakuha kamog puthaw gikan sa mga bato ug makaminag tumbaga sa kabukiran.

“Tumana ang mga sugo ko kaninyo karon aron mabuhi kamo, modaghan ug makapanag-iya sa yuta nga gisaad sa GINOO ngadto sa inyong katigulangan.

Sulod sa 40 ka tuig ninyong pagpanaw, ang inyong bisti wala mangagisi. Wala usab mangasamad ang inyong tiil.

Siya ang nagtultol kaninyo latas niadtong hilabihang dakoa ug makalilisang nga kamingawan nga gipuy-an sa daghang malalang bitin ug tanga. Yuta kadto nga walay tubig apan nagpaagas siyag tubig gikan sa batong bantilis aron inyong mainom.